Tschertga

Al cuntegn
Siglia al cuntegn da la paginaSiglia a la navigaziunSiglia a la tscherna da la linguaSiglia a la tscherna da la linguaRespostas simplas davart la vita en Svizra
  • DE
  • FR
  • IT
  • RM
  • EN
Respostas simplas davart la vita en Svizra
  • Tut ils temas
  • Segirezza e dretg
  • Polizia
  • Purtar plant
Tut ils temas
  • Segirezza e dretg
  • Polizia
  • Purtar plant

Purtar plant

Essas Vus daventada u daventà unfrenda d’in delict u avais Vus observà in delict? Alura pudais Vus purtar plant tar mintga post da polizia. Donns materials ed enguladitschs pli pitschens pudais Vus annunziar online a Suisse ePolice.

Remartga

Duvrais Vus u insatgi che Vus enconuschais agid? Il Post svizzer per l’agid a victimas cusseglia gratuitamain ed anonimamain victimas da violenza, da smanatscha, d'abus sexual e d’auters delicts.
Tut ils temas
  • DE
  • FR
  • IT
  • RM
  • EN
Cun ina denunzia penala denunzias Vus in delict a las autoritads. Sche Vus annunziais immediatamain in incident, po la polizia segirar eventuals fastizs ed interrogar persunas. Ina denunzia po sa drizzar cunter ina persuna enconuschenta u betg enconuschenta.
In delict pudais Vus annunziar gratuitamain a bucca u en scrit a mintga post da polizia u a la procura publica. Prendai per plaschair cun Vus in document d’identitad uffizial.
Sin il portal da las polizias Suisse ePolice chattais Vus las adressas dals differents posts da polizia svizzers. Sin quest portal pudais Vus er annunziar directamain online donns materials ed enguladitschs pli pitschens.

Tge succeda en cas da delicts grevs?

Delicts grevs, uschenumnads delicts uffizials, vegnan persequitads da las autoritads, uschespert ch’ellas san da quels. Quai è er il cas, sch’i n’è vegnì fatg nagin plant penal u nagina denunzia penala. Quai vala per exempel, sch’insatgi As ha blessà grevamain (blessura corporala greva) u en cas d’abus sexual d’uffants.
Sche Vus avais enconuschientscha d’in delict uffizial, èsi impurtant d’inoltrar ina denunzia penala per che las autoritads possian agir.

Tge far en cas da delicts pli levs?

Delicts pli levs, uschenumnads delicts persequitads sin plant, èn per exempel insultas, sch’insatgi donnegia Vossa saiv (donn material) u sch’insatgi As dat in pugn che fa mal (violenza).
Per pussibilitar ina procedura penala stuais Vus far in uschenumnà plant penal aifer trais mais. Vus pudais far il plant mo, sche Vus sezza u sez essas vegnida blessada u blessà tras il delict u sche Vus avais in donn da quel. Sche Vus essas inabla u inabel d’agir, po Vossa represchentanta legala u Voss represchentant legal surpigliar quai.
In plant penal pudais Vus retrair da tut temp.
Sche Vus avais inoltrà in plant penal, pudais Vus dumandar la polizia u la procura publica, sch’i è vegnida averta ina procedura penala.

  • La polizia fa investigaziuns ed inoltrescha la procedura penala a la procura publica.

  • La procura publica decida, schebain i vegn averta ina procedura penala e fa investigaziuns davart il cas.

  • Sch’il cas vegn avant dretgira, preschenta la procura publica il plant. La persuna accusada po sa defender.

  • La dretgira resp. la derschadra u il derschader taidla, prenda en consegna eventualas ulteriuras cumprovas e pronunzia finalmain la sentenzia.

  • La persuna sentenziada po contestar la sentenzia cun in med giuridic (protesta, appellaziun u recurs). Igl è recumandabel da sa laschar cussegliar d’ina persuna dal fatg.

  • Sche Vus avais inoltrà in plant penal, pudais Vus dumandar las autoritads da persecuziun penala, sch’i è vegnida averta ina procedura penala e co ch’ella vegn liquidada.

  • Purtar plant, gea u na? (feel-ok.ch) Infurmaziuns per giuvenils

  • Post per mobing e mulesta (fachstelle-mobbing.ch)

  • Tge far en cas da stalking? | Prevenziun svizra criminala (skppsc.ch)

  • Intervegna! | Prevenziun criminala svizra (skppsc.ch) Tge che Vus pudais far en cas d’urgenza

  • Post d’annunzia per whistleblowers (Controlla federala da finanzas)

Tut ils temas

In servetsch da la Confederaziun, dals chantuns e da las vischnancas

Davart ch.chInfurmaziuns giuridicas
Link YoutubeLink Twitter
VoteInfo