Las autoritads svizras online

directamain tar il cuntegn

Scolaziun ad ina scola auta

Vus avais terminà il gimnasi, la furmaziun da maturitad spezialisada u professiunala (stgalim secundar II). Ussa pudais Vus approfundar Vossa savida ad ina scola auta (stgalim terziar A).

Tar il stgalim terziar tutgan

  • las universitads (inclusiv SPFT e la SPFL)
  • las scolas autas spezialisadas
  • las scolas autas da pedagogia

Universitads ed SPF

Ranking da las universitads svizras

Scolas autas spezialisadas

Scolas autas da pedagogia

Tge direcziun da studi tschern jau?

Las scolas autas na porschan betg tuttas ils medems roms da studi e las medemas direcziuns da studi. As infurmai en la banca da datas online davart las differentas pussaivladads a las singulas scolas autas.

Co m’immatriculesch jau en ina scola auta?

Sche las cundiziuns per in studi èn ademplidas, ston ins s’immatricular en l’universitad entaifer il termin fixà. Per intginas direcziuns da studi, p. ex. per la medischina, valan disposiziuns spezialas.

S’immatricular ston ins directamain en la scola auta correspundenta. Sin la pagina d’internet da la Conferenza dals recturs da las scolas autas svizras (swissuniversities) chattais Vus las adressas ed ils termins d’immatriculaziun da las scolas autas.

Adressas da las scolas autas svizras
Termins d’immatriculaziun da las scolas autas svizras (cun infurmaziuns en tudestg, franzos, talian ed englais)

Disposiziuns spezialas

Per intginas direcziuns da studi èn las plazzas da studi a las scolas autas limitadas. A la plipart da las universitads svizras vegni decidì mintga onn sin basa dal dumber d’annunzias, sch’i vegnan manads tras examens d’admissiun per ils roms da studi da medischina, da chiropratica e da scienzas da sport e da moviment. Er a scolas autas spezialisadas datti per tschertas direcziuns da studi in dumber limità da plazzas da studi.

Infurmaziuns detagliadas davart las proceduras d’admissiun pon vegnir retratgas tar las scolas autas