Las autoritads svizras online

directamain tar il cuntegn

Retratga dal permiss per emprender a manischar u dal permiss da manischar

Manar in vehichel a motor en in stadi d'alcoholisaziun u surpassar la sveltezza maximala periclitescha la segirezza d'autras persunas en il traffic sin via. Talas cuntravenziuns han per consequenza ch'i vegnan prendidas sancziuns, sco ina multa, in chasti pecuniar u in chasti da detenziun, sco er sancziuns administrativas sco in'admoniziun u schizunt la retratga dal permiss da manischar (per in temp pli lung u pli curt).

La grevezza da l'uschenumnada cuntravenziun cunter il traffic determinescha la mesira, la durada da la retratga dal permiss da manischar dependa da la "reputaziun automobilistica" (quantas giadas èn las reglas dal traffic gia vegnidas surpassadas) e da la necessitad professiunala d'avair in permiss da manischar.

Tgi che surpassa las reglas dal traffic ristga – ultra da las mesiras administrativas (admoniziun, privaziun e.u.v.) ed ultra da las mesiras penalas (p.ex. multas, chastis pecuniars e chastis da detenziun) – er mesiras da dretg civil (p.ex. pretensiuns da regress da l'assicuranza).

Retratga dal permiss da manischar