Las autoritads svizras online

directamain tar il cuntegn

Reglas da traffic e multas disciplinaras en Svizra

La Lescha federala davart il traffic sin via fixescha las reglas da traffic, regla il traffic sin las vias publicas sco er las responsabladads en cas da donn.

Tut las persunas che participeschan al traffic ston observar las reglas da traffic (Lescha davart il traffic sin via, art. 26 fin 57).

Ir cun auto cun glisch er da di daventa obligatoric

Vehichels a motor (p.ex. autos da persunas, da furniziun e camiuns) e motos èn obligads dad far las glischs dal auto da di. Da questa nova obligaziun èn exclus ils motorins, ils velos electrics ed ils vehichels ch’èn vegnids mess en circulaziun avant il 1970. Tgi che na resguarda betg l’urden dad ir da di cun glisch, vegn chastià cun ina multa da 40 francs.

Reglas e signals dal traffic

Multas disciplinaras

La glista da multas cuntegna tut las violaziuns da las reglas da traffic che vegnan chastiadas cun multas da fin maximalmain 300 francs. Qua ina survista.

Surpassaments da las reglas da traffic a l’ester

En general èsi da pajar las multas ch’i sa survegn en in pajais ester. Uschia evitesch’ins eventuals problems tar il return en quest pajais. Quai vala per automobilists svizzers a l’ester e per automobilists esters en Svizra. Remartgai tar quest tema las suandantas FAQ: