Dumonda per ina reuniun da la famiglia en Svizra

Pertge vai?

En cas che Vus vivais en Svizra e vulais che parts da Vossa famiglia estra suondan en Svizra, pudais Vus far ina dumonda per ina reuniun da la famiglia.

Tut tenor Vossa naziunalitad e Vossa permissiun da dimoraè la reuniun da la famiglia Voss dretg ubain ina pussaivladad che vegn examinada e decidida da las autoritads. Auter che la legitimaziun C permetta la legitimaziun B betg exnum ina reuniun da la famiglia – las autoritads la pon dentant conceder. Las requirentas ed ils requirents d’asil na pon betg dumandar ina reuniun da la famiglia.

Tgi As dastga suandar en Svizra?

Vus na pudais betg laschar suandar tut ils commembers da la famiglia en Svizra.

Sche Vus essas Svizra u Svizzer

Vus pudais laschar suandar en Svizra:

Vossa conjugala u Voss conjugal u la partenaria registrada / il partenari registrà
Voss uffants u Voss biadis nubils sut 18 onns (ubain – sch’els han ina permissiun da dimora d’in stadi da la UE/AECL – sut 21 onns u premess ch’els hajan il dretg d’aliments)
Voss geniturs sco er Voss tats e Vossas tattas cun dretg d’aliments, sch’els han ina permissiun da dimora d’in stadi da la UE/AECL (nun che Vus sajas en scolaziun).

Sche Vus essas burgaisa u burgais da la UE/AECL

Vus pudais laschar suandar en Svizra:

Vossa conjugala u Voss conjugal u la partenaria registrada / il partenari registrà
Voss uffants u Voss biadis sut 21 onns u premess ch’els hajan il dretg d’aliments
Voss geniturs sco er Voss tats e Vossas tattas cun dretg d’aliments (nun che Vus sajas en scolaziun).

Sche Vus essas burgaisa u burgais d'in terz stadi

Vus pudais laschar suandar en Svizra:

Vossa conjugala u Voss conjugal u la partenaria registrada / il partenari registrà
Voss uffants nubils sut 18 onns.

Premissas

Per ina reuniun da la famiglia en Svizra è in matrimoni u in partenadi registrà premissa. En cas che Vus n’essas betg maridada u maridà cun Vossa partenaria estra u cun Voss partenari ester u na vivais betg en in partenadi registrà, na po la partenaria u il partenari betg suandar en Svizra.

En cas che Vus vulais laschar suandar Voss’entira famiglia, stuais Vus avair in’abitaziun avunda gronda (tenor il standard svizzer), perquai che en general duess la famiglia suenter la reuniun da la famiglia viver ensemen.

Vus na dastgais betg depender da l’agid social. Sche Vus essas ina persuna cun activitad da gudogn independenta u senza lavur, stuais Vus demussar che Vus disponis dad avunda meds finanzials per pajar ils custs da viver da Vossa famiglia.

Per l’entrada en Svizra dovran ils commembers da Vossa famiglia:

ina carta d’identitad valaivla u in passaport valaivel
sche necessari in visum
ina conferma dal pajais d’origin che la relaziun famigliara existia
per las persunas cun dretg d’aliments ina conferma dal stadi da patria u da derivanza che Vus essas obligads da pajar aliments per questas persunas u che Vus avais vivì cun ellas
en cas che Voss conjugal u Vossa conjugala na po betg s’infurmar suffizientamain en la lingua naziunala da Voss domicil (almain nivel A1 a bucca): la conferma, ch’el u ella è s’inscritta u s’inscrit per in curs da lingua.

Termins

Per regla avais Vus 5 onns temp per far ina dumonda per ina reuniun da la famiglia. Pertutga la reuniun da la famiglia dentant uffants sur 12 onns, avais Vus mo in onn temp. Cun quest termin pli curt duai vegnir cuntanschì, che uffants pli vegls possian s'integrar meglier en Svizra.

En cas che Vus essas vegnì admess provisoricamain en Svizra (legitimaziun F), po il Secretariat da stadi per migraziun examinar suenter 18 mais ina dumonda da reuniun da la famiglia.

Nua pon ins far ina dumonda per ina reuniun da la famiglia?

Dretgs ed obligaziuns tar ina reuniun da la famiglia

Sche la dumonda per ina reuniun da la famiglia vegn approvada, survegnan ils commembers da Vossas famiglias ina permissiun da dimora. La sort da permissiun da dimora sa drizza per regla tenor la sort da legitimaziun che Vus avais sezza u sez.

Voss commembers da la famiglia survegnan la permissiun da lavurar en Svizra. Exceptà èn Voss geniturs e Voss tats e Vossas tattas.
Mo persunas cun ina permissiun da dimora curta (legitimaziun L) ston ordavant dumandar in permiss da lavur tar l’autoritad da migraziun e dal martgà da lavur chantunala.

Ils uffants che vegnan en Svizra cun la reuniun da la famiglia visitan la scola obligatorica. Questa è gratuita e sto vegnir visitada almain fin il 16. onn da vegliadetgna. Il sistem da scola variescha tut tenor chantun. Sin la pagina d’internet da la Conferenza svizra da las directuras e dals directurs chantunals da l’educaziun publica chattais Vus ina survista davart il sistem da furmaziun en Svizra. Link funktionierte nicht. Ist dieser Link gemeint?

En Svizra è l’assicuranza da malsauns obligatorica e privata. Vus stuais far in’assicuranza da malsauns per mintga commember da la famiglia.

Ulteriuras infurmaziuns chattais Vus sin la pagina Vegnir a star en Svizra.

Tschertga

Reuniun da la famiglia

Sche Vus essas Svizra u Svizzer

Sche Vus essas burgaisa u burgais da la UE/AECL

Sche Vus essas burgaisa u burgais d'in terz stadi