Permiss da manischar sin emprova

Scolaras e scolars da manischar ston percurrer ina scolaziun da duas fasas per survegnir definitivamain il permiss da manischar. Suenter l'examen da manischar reussì (fasa 1) sto la manischunza nova u il manischunz nov sa furmar supplementarmain – durant il temp d'emprova da 3 onns – cun far 1 curs (fasa 2).

• Tut las persunas che s'acquistan per l'emprima giada in permiss da manischar da la categoria A (motos) u da la categoria B (autos da persunas).

Sch'ins ha fatg cun success l'examen da manischar teoretic e pratic.

Il temp d'emprova dura 3 onns. Questa limitaziun temporara è inditgada en il permiss da manischar. Ils vehichels na ston betg esser marcads spezialmain.

Il permiss da manischar illimità vegn emess sin dumonda pir, cur ch'il temp d'emprova è scadì e suenter che la furmaziun supplementara obligatorica da 1 di è vegnida absolvida. I na sto vegnir absolvì nagin ulteriur examen.