Sche Vus na possedais anc betg in certificat da la AVS u sche Vus avais pers Voss certificat da la AVS, pudais Vus emplenir il formular correspundent che Vus chattais sin la pagina d’internet dal Post d’infurmaziun da la AVS/AI. Il formular emplenì inoltrais Vus a Voss patrun. Uschia survegnis Vus ina (nova) carta da la AVS.
Sche Vus na possedais anc betg in certificat da la AVS u sche Vus avais pers Voss certificat da la AVS, pudais Vus emplenir il formular correspundent che Vus chattais sin la pagina d’internet dal Post d’infurmaziun da la AVS/AI. Vus pudais inoltrar il formular a Vossa cassa da cumpensaziun professiunala u a la cassa da cumpensaziun chantunala ch’è responsabla per incassar las contribuziuns d’assicuranza. Uschia survegnis Vus ina (nova) carta da la AVS.
Sche Vus vivais a l'exteriur e na lavurais betg en Svizra e sche Vus n'avais anc mai survegnì in certificat da la AVS u l'avais pers, stuais Vus As drizzar a la Cassa svizra da cumpensaziun. Quella emetta in (nov) certificat per Vus.
Sche Vus vivais a l'exteriur e lavurais en Svizra, legiai qua survart ils chapitels «Vus essas emploiada u emploià» u «Vus avais in'activitad da gudogn independenta u na lavurais betg» per vegnir a savair, co che Vus survegnis ina (nova) carta da la AVS.
Dapli infurmaziuns davart il numer da la AVS en Svizra chattais Vus sin la pagina correspundenta da l’Uffizi federal d’assicuranzas socialas.
Infurmaziuns generalas davart il numer da la AVS chattais Vus sin la pagina Il numer da la AVS.