Las autoritads svizras online

directamain tar il cuntegn

Stoss jau suttametter a la taglia las entradas dal gudogn accessoric?

Tgi che ha ultra da ses gudogn principal anc in'autra activitad, sto suttametter a la taglia er las entradas da quella. Ultra da quai ston vegnir pajadas er contribuziuns socialas sin il gudogn accessoric.

Da princip sto mintga salari vegnir suttamess a las deducziuns da la AVS/AI/UCG sco er da la AD. Excepziun: Sche la summa annuala dal salari da l'activitad respectiva tar il patrun correspundent na surpassa betg 2'300 francs per onn, èn las contribuziuns a favur da las assicuranzas socialas voluntaras.

Quai na vala dentant betg per persunas che lavuran en chasadas privatas u che vegnan emploiadas da producents da saut e da teater, d’orchesters, da producents da fono- e d’audiovisiun, da radio e televisiun sco er da scolas en il champ artistic. Quellas èn obligadas da pajar contribuziuns.

Deriva il gudogn accessoric da l’activitad da gudogn independenta ed è il gudogn pli bass che 2'300 francs per onn? Alura pudais Vus voluntarmain pajar contribuziuns a la AVS/AI/UCG.