Las autoritads svizras online

directamain tar il cuntegn

Tgi intermediescha en cas da dispitas cun l'administraziun e cun l'economia privata?

Sche Vus avais in problem cun l'administraziun u cun ina interpresa privata, pudais Vus contactar in uschenumnà post da mediaziun. Quel emprova da chattar gratuitamain ed en moda neutrala ed independenta ina cunvegna tranter las duas partidas.

Administraziun

Sche Vus As sentis tractads en moda incorrecta da l'administraziun chantunala u d'in manaschi municipal? Il mediatur public As cusseglia ed intermediescha en situaziuns da conflict.

Posts da mediaziun da las vischnancas

Posts chantunals da mediaziun

Posts da mediaziun tenor branschas

Er per dispitas cun interpresas da l'economia privata datti numerus posts da mediaziun.

Assicuranza da malsauns

Tgi che ha in conflict cun la cassa da malsauns po contactar il post da mediaziun da l'assicuranza da malsauns. Dentant mo, sch'el na vegn betg represchentà tras in advocat u tras ils servetschs socials e sch'el n'ha betg in'assicuranza da protecziun giuridica.

Bancas

Il mediatur public svizzer da las bancas tracta recurs da clients cunter las bancas che han lur sedia en Svizra.

Assicuranzas privatas e Suva

Tgi che ha problems cun ina societad d'assicuranza po contactar la fundaziun Mediatur public da l'assicuranza privata e da la SUVA.

Traffic public

En cas da conflicts cun interpresas da transport dal traffic public porscha il post da mediaziun dal traffic public ses sustegn.

Telecommunicaziun

Il post da mediaziun da la communicaziun intermediescha en cas da dispitas cun firmas da telecommunicaziun.

Branscha da viadi

Sch'insatge va mal sin in viadi, gida il mediatur public da la branscha svizra da viadi.

Reclama illoiala

La cumissiun svizra da sinceradad cumbatta cunter la reclama illoiala e prenda encunter recurs dals consuments.

Radio e televisiun

Tgi che vul reclamar pervia d'ina contribuziun da radio u da televisiun po sa drizzar a l'instanza da recurs per radio e televisiun.

Internet: Num da la domena

En cas da dispitas davart nums da domenas po vegnir contactà l'uschenumnà servetsch per reglar dispitas da Switch.

Dentist

N'essas Vus betg d'accord cun in quint da Voss dentist? Alura laschai controllar, sch'il rom da tariffas è vegnì observà.

Hotellaria

Il mediatur public da l'hotellaria svizra è autonom.