Las autoritads svizras online

directamain tar il cuntegn

Manischar ed assicuranza

Tgi che va cun in vehichel sin vias publicas, dovra in'assicuranza da responsabladad.

Obligaziun d'avair in'assicuranza

In vehichel a motor na dastga betg circular en il traffic public, sch'el n'è betg assicurà tras in'assicuranza da responsabladad. L'assicuranza cuvra la responsabladad dal possessur e da las persunas, per las qualas el è responsabel tenor la Lescha davart il traffic sin via. (Il manischunz dal vehichel assicurà che chaschuna il donn e la persuna auxiliara che chaschuna il donn. Sco persuna auxiliara vala p.ex. ina persuna che vegn dumandada dal manischunz da far segn or d’ina sortida. Resguardai las cundiziuns generalas da fatschenta da Vossa

Donns vi da l'agen auto n'èn betg cuvrids da l'assicuranza da responsabladad. Per quai duvrais Vus in'assicuranza supplementara.

L'assicuranza surpiglia la responsabladad almain en quels stadis, en ils quals il numer d'immatriculaziun svizzer vala sco attest d'assicuranza (il mument èn quai tut ils stadis da la UE/SEE, Andorra, Serbia e la Svizra).