Vus avais almain 17 onns.
Vus essas assicurada u assicurà tar la 1. pitga (AVS).
Vus essas emploiada u emploià e gudagnais almain 22 680 francs ad onn.
Sche Vossas entradas èn pli bassas che 22 680 francs per onn, As po Voss patrun assicurar voluntarmain tar ina instituziun da la 2. pitga.
Sche Vus avais in'activitad da gudogn independenta u in contract da lavur limità (per maximalmain 3 mais), n’essas Vus betg obligada u obligà da pajar contribuziuns. Vus As pudais dentant decider da far quai sin basa voluntara.
Per cumprar in'atgna chasa u abitaziun
Tar la cumpra sa tracti da Vossa abitaziun principala.
Fin la vegliadetgna da 50 onns pudais Vus retrair il chapital cumplet.
A partir da 50 onns pudais Vus retrair be anc ina contribuziun parziala.
Ina retratga anticipada po vegnir dumandada maximalmain mintga 5 onns.
Sche Vus essas maridada u maridà u vivais en in partenadi registrà, duvrais Vus il consentiment da Vossa dunna, da Voss um, da la partenaria u dal partenari.
Sche Vus vendais puspè Vossa proprietad d’abitar, essas Vus normalmain obligada u obligà da pajar enavos la 2. pitga che Vus avais retratg per la cumpra.
Cumenzament d'ina activitad da gudogn independenta
Vus stuais inoltrar la dumonda per ina retratga anticipada dal chapital entaifer l’emprim onn suenter il cumenzament da la nova activitad.
Vus stuais cumprovar che Vus hajas cumenzà in'activitad da gudogn independenta, p.ex. a maun d'in extract or dal register da commerzi u a maun da documents da la AVS.
Sche Vus essas maridada u maridà u vivais en in partenadi registrà, duvrais Vus il consentiment da Vossa dunna, da Voss um, da Vossa partenaria u da Voss partenari.
Partenza definitiva da la Svizra
Vus avais almain 45 onns.
Vossa lètg u Voss partenadi ha durà almain 5 onns.
Vus tgirais almain in uffant.