Las autoritads svizras online

directamain tar il cuntegn

Infostrada Svizra

Nua hai actualmain colonnas u bloccadas e nua ston ins quintar il proxim temp cun bler traffic?

Infurmaziuns davart il stadi da las vias

Per infurmaziuns davart la situaziun da traffic datti numerusas funtaunas:

  • per telefon: numer da telefon 163 "Infurmaziuns davart il traffic / stadi da las vias Viasuisse" (90 rp. per telefon e 90 rp. per minuta)
  • al radio: al radio rumantsch RTR adina suenter las novitads u suenter las novitads curtas
  • online: differentas paginas d'internet e differentas applicaziuns).

Situaziun actuala da traffic

Novitads davart il traffic sin la pagina d'internet dal radio svizzer DRS: en furma d'ina glista, ordinada tenor autostradas, vias principalas, ulteriuras vias, tunnels, transport d'autos e pass.

Applicaziuns gratuitas da Viasuisse per il iPhone

Prognosa dal traffic

Prognosa emnila per il volumen da traffic en Svizra sin la pagina d'internet dal TCS.

Aura sin via

Ferms uradis, vents furius u chalur pon chaschunar situaziuns difficilas per il traffic. La pagina d'internet dal TCS infurmescha davart impediments e privels pervi da l'aura.

Pannas cun vehichels

En cas da pannas cun vehichels pudais Vus dumandar di e notg agid sur il numer da telefon 140 (agid en cas da panna, 20 rp. per telefon). Il clom d'agid da la polizia 117 ed il clom d'agid sanitar 144 èn gratuits.