Las autoritads svizras online

directamain tar il cuntegn

Entrar en Svizra cun in vehichel a motor

Sch'ins entra da l'exteriur en Svizra cun in vehichel a motor , ston ins differenziar trais cas:

  • import da vehichels betg daziads
  • import temporar per l'agen diever
  • midada da chasa da l'exteriur en Svizra

Resguardai per plaschair ch'ils autos dovran ina vignetta per charrar sin autostradas u sin autovias.

Import da vehichels betg daziads e betg taxads

Import da vehichels stradals

Al cunfin stuais Vus annunziar – senza vegnir intimà – il vehichel ad in post da duana che controllescha martganzia.

Controlla tecnica da vehichels importads

Avant ch'in vehichel ester vegn admess al traffic sto el l'emprim vegnir manà ad in uffizi chantunal per il traffic sin via per laschar far la controlla tecnica.

Import temporar per l'agen diever

  • Turists che vivan a l'exteriur pon duvrar lur vehichel maximalmain 1 onn en Svizra senza annun-ziar il vehichel a la duana.

  • Per viagiaturs da fatschenta, per lavurants e per students da l'exteriur valan disposiziuns re-strictivas.

Midada da chasa da l'exteriur en Svizra

Per vehichels da persunas immigradas na ston ins betg pajar taxas, sche quests vehichels èn vegnids duvrads durant almain sis mais a l'exteriur.

Suenter che Vus avais passà la duana, stuais Vus As drizzar a l'uffizi per il traffic sin via da Voss chantun da domicil per laschar immatricular Voss vehichel. Exceptà da quai è in import temporar.