Las autoritads svizras online

directamain tar il cuntegn

Importar in'arma en Svizra sco persuna privata

Per importar armas, parts essenzialas d'armas, muniziun ed elements da muniziun en Svizra dovri ina permissiun. Quella vegn concedida da l'Uffizi federal da polizia fedpol.

Cur che Vus entrais en Svizra, stuais Vus ultra da quai annunziar armas e muniziun tar in post da duana ensemen cun la permissiun numnada qua survart. Ina quittanza da la cumpra facilitescha l'annunzia tar la duana. Per armas na sto vegnir pajà nagin dazi, ma Vus stuais pajar la taglia sin la plivalur dad 7,7 pertschient.

Particularitads

  • Sche l'arma deriva d'in stadi da Schengen, vegn la permissiun concedida mo, sche l'arma è registrada en la Carta europeica d'armas da fieu.
  • Nagina permissiun na dovran chatschaders sco er tiradurs da sport ch'importan armas or da stadis da Schengen per sa participar ad in'occurrenza chatscha u da sport, sche las armas èn registradas en la Carta europeica d'armas da fieu. Els ston però preschentar in document che cumprova ch'els èn envidads ad in'occurrenza da chatscha u da sport.

Dumondas ed infurmaziuns per importar armas