Immatricular in vehichel

• l'attest d'assicuranza è avant maun (dumandar la societad d'assicuranza);
• en cas d'in vehichel resch nov è avant maun il rapport d'examinaziun, il formular 13.20A (da la garascha u dal commerziant);
• en cas d'in vehichel d'occasiun è avant maun il document dal vehichel dal possessur da fin uss (eventualmain cun il rapport d'examinaziun u cun il formular 13.20B, sch'igl ha gì lieu in'examinaziun posteriura);
• tar persunas estras è avant maun la legitimaziun da persunas estras, cur ch’il numer d'immatriculaziun vegn retratg per l'emprima giada;
• il vehichel producì a l’exteriur è vegnì taxà u è deliberà da la taxaziun dals dazis.

Alura As vegn facturada la taglia sin il vehichel a motor, vesair;

Il chantun, en il qual Vus parcais Voss vehichel (lieu da parcadi), decida davart sia autorisaziun. Pli exact è quai là, nua che Vus parcais Voss vehichel per regla sur notg. Quai è per il solit il chantun da domicil. Il lieu da domicil vala sco lieu da parcadi, sch’il vehichel vegn plazzà en media almain duas fins d’emna per mais l’onn en il chantun da domicil dal possessur.

Cun ina dumonda e cunter pajament As pudais Vus acquistar tar tscherts uffizis chantunals per il traffic sin via ils numers d'immatriculaziun tenor Voss giavisch, sche quels èn disponibels. La glista dals numers d'immatriculaziun libers pudais Vus consultar al spurtegl da l'uffizi per il traffic sin via u er online en tscherts chantuns.

Autos emprestads cun leasing possedan la remartga "Scumond da midar possessur dal vehichel" en il document dal vehichel (code 178). Sche Vus vulais cumprar in tal vehichel, sto l'emprestader da leasing laschar stizzar questa remartga cun il formular correspundent per che Vus al pudais immatricular.