La lescha prescriva ils suandant onurari per las parlamentarias ed ils parlamentaris:
entradas annualas per la preparaziun da la lavur en ils cussegls: 26’000 francs
pajament da diaria per il cussegl e per las cumissiuns: 440 francs
indemnisaziun annuala per sortidas da persunal e material: 33’000 francs
Latiers vegnan las indemnisaziuns per il mangiar, per ils viadis e l’alloschament, per la cassa da pensiun ed ulteriurs imports per ils presidis dal cussegl e da las cumissiuns. Ina part da las indemnisaziuns è libra da taglias.
Tut tenor il dumber da dis da sesida e tenor funcziun importan l’onurari e las spesas totalmain var 130’000 fin 150’000 francs per persuna.
Dal rest: Ils status da tschertas partidas prescrivan, ch’ils commembers dal cussegl dettian ina part da lur indemnisaziun ch’els survegnan per lur lavur en il parlament a la partida. Per ulteriuras infurmaziuns contactai p.pl. directamain ils secretariats da las partidas.
Il parlament svizzer è in parlament da milissa. Quai vul dir ch’ils pli blers parlamentaris n’èn betg politicras u politichers da professiun ed han anc in’autra activitad da gudogn.