Las autoritads svizras online

directamain tar il cuntegn

Examen teoretic da manischar

Tgi che vuless ir cun auto, sto l'emprim far cun success l'examen teoretic ed alura l'examen pratic. Il permiss per emprender a manischar datti, sche l'examen teoretic è reussì.

Annunzia

Sche Vus avais inoltrà la dumonda per survegnir in permiss per emprender a manischar, survegnis Vus ina conferma da l'uffizi per il traffic sin via da Voss chantun da domicil. Da princip vegnis Vus supplitgads d'As annunziar per internet per l'examen teoretic. En tscherts chantuns survegnis Vus in formular cun las datas dals examens. Vus pudais tscherner ina data e trametter enavos il formular.

L'uffizi per il traffic sin via da Voss chantun da domicil As trametta lura la clamada a l'examen. L'examen teoretic po vegnir repetì quantas giadas che Vus vulais.

En ils chantuns Berna, Glaruna, Soloturn, Son Gagl, Neuchâtel, Sviz, Turgovia, Turitg e Vad  pudais Vus far l’examen da teoria er per englais. Per ulteriuras infurmaziuns contactai p.pl directamain ils uffizis per il traffic sin via chantunals!


Sche Vus avais fatg l'examen teoretic cun success, survegnis Vus il permiss per emprender a manischar.

Custs

Ils custs da l'examen teoretic varieschan da chantun a chantun. As infurmai per plaschair tar l'uffizi per il traffic sin via da Voss chantun da domicil.