L'onn 1971 han las dunnas survegnì il dretg da votar e d'eleger sin plaun federal: ch.ch dat in sguard sin la lunga via dal dretg da votar da las dunnas en Svizra.
I dat adina dapli dunnas en il parlament. L'onn 1971 eran ellas mo dudesch. Al cumenzament da l'ultima legislatura a la fin da l'onn 2019 è lur dumber creschì sin 96 da tut en tut 246 commembras e commembers dal parlament.
Grazia a l'elecziun da 42 % (= 84 da 200) dunnas, è la quota da dunnas en il Cussegl naziunal dapi l'onn 2019 considerablamain pli auta che quella en il Cussegl dal chantuns (26 % = 12 da 46).
Passa 40 onns suenter che l'artitgel davart l'egualitad è vegnì francà en la constituziun, è la via anc lunga per cuntanscher ina represchentaziun equilibrada da las schlattainas en il parlament.
I dat differenzas regiunalas. En il Cussegl dal chantuns vegn la paritad ademplida en ils sis chantuns da la Svizra franzosa ed en il chantun Tessin dapi almain l'onn 2019. La deputaziun friburgaisa sa cumpona dapi l'onn 2021 schizunt mo da dunnas. En il Cussegl naziunal na datti percunter nagin connex evident tranter la quota da dunnas e las regiuns linguisticas. L'augment da la quota da dunnas variescha ultra da quai tut tenor partida.
L'augment da la quota da dunnas en il parlament dependa er da las partidas. Quellas che vulan meglierar la represchentaziun da las dunnas pon sustegnair lur candidatas en moda intenziunada durant la campagna electorala.
Las partidas pon er structurar lur glistas uschia, che las dunnas han pli grondas schanzas da vegnir elegidas, sco quai ch'i vegn explitgà en il Mussavia da la Chanzlia federala per gruppas che vulan candidar per il Cussegl naziunal (p. 36).
La Cumissiun federala per dumondas da dunnas encuraschescha las partidas da sustegnair las candidaturas da dunnas giuvnas per il parlament quest atun.
Per evitar da manchentar ina fasa da la campagna electorala, pudais Vus consultar il chalender electoral interactiv.
Sin ch.ch chattais Vus infurmaziuns davart il profil da las candidatas e dals candidats en il Cussegl naziunal en il passà.
Sin ch.ch chattais Vus l’istorgia da las elecziuns dal parlament.
Il parlament metta a disposiziun in dossier davart la quota da dunnas a la pussanza politica federala. Ultra da quai renda el omagi a las emprimas dunnas ch'èn vegnidas elegidas en il Cussegl naziunal ed en il Cussegl dals chantuns.
L’Uffizi federal da statistica metta a disposiziun numerusas statisticas davart las dunnas e las elecziuns.
La Cumissiun federala per dumondas da dunnas encuraschescha las dunnas d'ir en la politica.