Ellas tractan e delibereschan las leschas federalas che valan per l'entir pajais. Perquai vegn il parlament numnà «legislativa».
Ellas elegian las autoritads federalas impurtantas, per exempel las set commembras e commembers dal Cussegl federal, la presidenta u il president da la Confederaziun, las derschadras federalas ed ils derschaders federals sco er la chanceliera federala u il chancelier federal.
Ellas fixeschan, quants daners che stattan a disposiziun a la Confederaziun per ademplir sias incumbensas.
Ellas surveglian la lavur dal Cussegl federal, da l'administraziun federala, dal Tribunal federal e da las interpresas che adempleschan incumbensas federalas, sco la Posta u las Viafiers federalas.
Sin la pagina dal Parlament svizzer chattais Vus infurmaziuns supplementaras davart la lavur e davart l'organisaziun dal parlament sco er davart las fatschentas che vegnan tractadas da tuttas duas chombras.
In video ed infurmaziuns davart il Parlament svizzer chattais Vus er sin Juniorparl: Basiswissen.
Sin ch.ch chattais Vus infurmaziuns davart il dumber da sezs en il parlament tenor chantun.