Las autoritads svizras online

directamain tar il cuntegn

Adressas ed uras d'avertura da la duana e dals posts da cunfin

Uras d'avertura dals posts da cunfin

Ils posts da cunfin ils pli gronds da la Svizra èn occupads da glindesdi fin dumengia durant 24 uras mintga di. Numerus posts da cunfin pli pitschens èn occupads mo durant tschertas uras, auters insumma mai.

L’app «QuickZoll»

L’app da l’administraziun da duana infurmescha persunas privatas davart las formalitads las pli impurtantas, p.ex. sche Vus stuais declerar Vossa martganzia u betg. En cas che la martganzia è suttamessa a la taxa, pudais Vus declerar quella directamain cun agid da l’app. Cun la martganzia annunziada en questa moda pudais Vus traversar tut ils posts da cunfin svizzers.

S'annunziar en scrit sur las chaschellas da decleraziun

Nua ch'i n'èn preschentas naginas guardias da cunfin, pudais Vus annunziar la martganzia privata en scrit tar la duana sur las chaschellas da decleraziun (dentant be sche la rauba n'è betg suttamessa a restricziuns da quantitad u a scumonds e na dovra ni in attest ni ina permissiun). Il quint per las taxas d'import As vegn tramess dal post da duana pli tard per posta.