Las autoritads svizras online

directamain tar il cuntegn

Divorzi e dretg da tgira

A partir dal 1. da fanadur 2014 vala en cas da divorzi il dretg da tgira cuminaivel.

Co vegn organisà il dretg da tgira?

La dretgira da divorzi regla ils dretgs ed ils duairs dals geniturs, en spezial davart la tgira genituriala, davart il contact persunal, davart il pensum da tgira e davart la contribuziun d’aliments. La tgira genituriala cuminaivla furma la regla.

Il dretg da tgira dals uffants mo ad ina persuna vegn concedì mo en cas spezials sulettamain a la mamma u al bab. Il bainstar da l’uffant stat en il center. Ston vegnir protegids en spezial ils interess da l’uffant, vegn concedì dal tribunal il dretg da tgira mo ad in dals geniturs.

En cas d’ina midada considerabla da las circumstanzas po vegnir reglada danovamain la repartiziun dal dretg da tgira cuminaivel. Sch’ils geniturs van d’accord, è responsabla l’autoritad per la protecziun d’uffants e da creschids (APUC), sch’els na van betg d’accord è responsabla la dretgira.

Bunificaziun d’educaziun da la AVS

Il tribunal u l’autoritad per la protecziun d’uffant e da creschids (APUC) decida davart la repartiziun da las bunificaziuns d’educaziun da l’AVS. La bunificaziun d’educaziun cumplaina vegn attribuida a quel genitur che surpiglia la pli gronda part da la tgira.

Fegl d‘infurmaziun „Bunificaziuns d‘educaziun“

La tgira genituriala – midada dal Cudesch civil svizzer