directamain tar il cuntegn

Las partidas politicas e lur incumbensas

En partidas s'uneschan umans che han visiuns ed ideas politicas sumegliantas – per exempel areguard l'organisaziun e la rolla dal stadi, l'economia u ils fatgs socials – e che vulan realisar cuminaivlamain questas ideas e questas visiuns. La cuntrada da partidas politicas da la Svizra è fitg multifara.

Las incumbensas da las partidas politicas

Las partidas èn activas en ils secturs ils pli differents e sin tut ils plauns politics da la Svizra (Confederaziun, chantuns, vischnanca). Tar lur incumbensas las pli impurtantas tutgan tranter auter:

  • la recrutaziun da candidatas e candidats per uffizis publics;
  • la contribuziun a la furmaziun da l'opiniun ed a la constituziun da la voluntad dal pievel;
  • la furmaziun da fracziuns;
  • la participaziun a consultaziuns.

Tge partidas datti en Svizra?

La cuntrada da partidas da la Svizra è multifara: I dat partidas ch'èn represchentadas sin plaun federal, autras existan mo en las vischnancas u en ils chantuns. Ina survista uffiziala da tut las partidas da la Svizra na datti betg. Sin la pagina d'internet dal parlament chattais Vus dentant ina glista da tut las partidas ch'èn represchentadas en il parlament.

Il Parlament svizzer - Partidas ch'èn represchentadas en il parlament
Co pon ins fundar ina partida politica ubain daventar commember d'ina partida existenta?
Uffizi federal da statistica – Atlas politic da la Svizra – Atlas da las elecziuns