Controlla dal vehichel

Vehichels a motor e chars annexs ston vegnir controllads regularmain. Grondas midadas ston vegnir suttamessas ad ina controlla extraordinaria.

Controlla periodica

Tut tenor il tip e la vegliadetgna dal vehichel ha questa controlla lieu en intervals differents dad 1 fin 5 onns. Vus survegnis per quai ina invitaziun en scrit da l'uffizi chantunal per il traffic sin via.

Controlla sin agen giavisch

Vus avais er la pussaivladad da laschar controllar in vehichel ordaifer ils intervals da controlla regulars. Quai po esser necessari tar la vendita d'in auto.

Controlla extraordinaria

Midadas essenzialas dal vehichel ston vegnir annunziadas entaifer 14 dis ed in termin da controlla spezial sto vegnir fixà cun l'uffizi per il traffic sin via. Vus na dastgais betg duvrar Voss vehichel midà avant la controlla extraordinaria.

Controllas da vehichels: intervals, termins, tariffas

Per ulteriuras infurmaziuns As drizzai per plaschair a l'uffizi per il traffic sin via da Voss chantun da domicil.

Imports

Vehichels importads ston er vegnir controllads avant ch'els vegnan admess per il traffic. Resguardai per plaschair las infurmaziuns sut. Tar vehichels novs vegn verifitgà enstagl d’in examen, sch’ils documents correspundan al vehichel en dumonda.