-
Infurmaziun davart las elecziuns dal Cussegl naziunal per ils chantuns e per las gruppaziuns che preschentan candidatas e candidats
-
Il Cussegl federal trametta als chantuns ina circulara cun instrucziuns davart l'organisaziun da las elecziuns (annunzias, dumbraziun dals cedels electorals, eruida dal resultat da las elecziuns e.u.v.).
-
La Chanzlia federala publitgescha in mussavia cun infurmaziuns per las gruppaziuns che vulan candidar. Il mussavia cuntegna infurmaziuns utilas davart las elecziuns (candidaturas, reglas ch'èn d'observar e.u.v.).
-
Il Cussegl federal trametta als chantuns ina circulara cun instrucziuns davart l'organisaziun da las elecziuns (annunzias, dumbraziun dals cedels electorals, eruida dal resultat da las elecziuns e.u.v.).
-
Ultim termin per l'inscripziun en il register da las partidas
Las partidas pon sa laschar inscriver en il register da las partidas che vegn manà da la Chanzlia federala. Questa inscripziun n'è betg obligatorica. A las partidas porta ella dentant facilitaziuns administrativas.
-
Annunzia per las elecziuns dal Cussegl naziunal
Fin il 1. da mars sto mintga chantun communitgar a la Chanzlia federala, fin cura che las propostas electoralas per il Cussegl naziunal vegnan inoltradas. Il termin sto vegnir fixà sin in glindesdi da l'avust 2023. Ils chantuns che han il dretg da mo in sez en il Cussegl naziunal e che na prevesan betg in'elecziun taciturna , na ston betg far ina tala communicaziun.
-
Rectificaziun dal register da las partidas
Fin il 1. da matg 2023 ston las partidas inscrittas en il register da las partidas annunziar eventualas midadas da l'inscripziun (statuts, num e sedia da la partida, num ed adressa da las persunas che mainan la partida sin plaun naziunal). Sch'ellas na fan betg quai, na pon ellas betg pli profitar da las facilitaziuns administrativas.
-
Ultim termin d'annunzia per las elecziuns dal Cussegl naziunal en ils chantuns cun elecziuns da proporz
Ils chantuns fixeschan l'ultim termin d'annunzia per las elecziuns dal Cussegl naziunal sin in glindesdi da l'avust.
-
Rectificaziun da las propostas electoralas en ils chantuns cun elecziuns da proporz
Il chantun examinescha las propostas electoralas e fixescha, fin cura che las partidas sco er las candidatas ed ils candidats pon far las adattaziuns necessarias.
Fin il segund glindesdi suandant – u fin l'emprim glindesdiì suandant, sch'il dretg chantunal prevesa il termin pli curt – ston tut las adattaziuns vegnir inoltradas a la medema autoritad.
Propostas electoralas che na vegnan betg rectifitgadas a temp, n'èn betg valaivlas. Las propostas electoralas definitivas vegnan numnadas «glistas». -
Spediziun dal mussavia electoral als chantuns
Il settember trametta la Chanzlia federala il mussavia per las elecziuns dal Cussegl naziunal als chantuns cun elecziuns da proporz. Ils chantuns tramettan alura quest mussavia ensemen cun il material electoral a las persunas cun dretg d'eleger.
-
Ultim termin d'annunzia per las elecziuns en ils chantuns cun elecziuns da maiorz e cun la pussaivladad d'ina elecziun taciturna
Ils chantuns cun elecziuns da maiorz pon prevair en il dretg chantunal in'elecziun taciturna, per il cas ch'i vegn inoltrada a l'autoritad cumpetenta mo ina candidatura valaivla. En quests chantuns ston las propostas electoralas vegnir inoltradas fin ils 4 da settember a las 12.00.
-
Spediziun dals documents per las elecziuns dal Cussegl naziunal
Ils chantuns tramettan il material electoral a las persunas cun dretg d'eleger, e quai il pli tard 3 emnas ed il pli baud dentant 4 emnas avant las elecziuns. A las Svizras ed als Svizzers a l'exteriur vegnan ils documents tramess il pli baud 1 emna avant la spediziun uffiziala. Ulteriuras infurmaziuns: Material electoral
-
Evaluaziun statistica da las glistas e da las candidaturas per las elecziuns dal Cussegl naziunal
Sin sia pagina davart las elecziuns dal Cussegl naziunal 2023 publitgescha l'Uffizi federal da statistica in'evaluaziun da las glistas e da las candidaturas tenor partidas.
Questas infurmaziuns vegnan cumplettadas cun numerusas graficas, tabellas e datas legiblas d'ina maschina.
-
Di d'elecziun: Ils resultats live
Persequitai las elecziuns dal Cussegl naziunal e dal Cussegl dals chantuns tenor chantun sin la pagina uffiziala ch.ch/elecziuns2023! Sin la pagina speziala wahlen.admin.ch/de da l'Uffizi federal da statistica e sin la plattafurma da la Confederaziun Open Government Data chattais Vus plinavant numerusas graficas e datas che vegnan actualisadas cuntinuadamain.
-
Publicaziun dals resultats da las elecziuns dal Cussegl naziunal en ils fegls uffizials chantunals
Il pli tard 8 dis suenter las elecziuns publitgeschan ils chantuns ils resultats da tut las candidatas ed ils candidats sco er da tut las glistas en lur fegl uffizial chantunal.
-
Termins per far recurs cunter las elecziuns dal Cussegl naziunal
- Eventuals recurs electorals ston vegnir inoltrads a la regenza chantunala cun ina brev recumandada, e quai il pli tard 3 dis suenter la scuverta dal motiv dal recurs, il pli tard dentant 3 dis suenter la publicaziun dals resultats en il fegl uffizial chantunal.
- Davart il recurs decida la regenza chantunala entaifer 10 dis suenter l'entrada dal recurs.
- Cunter la decisiun da la regenza chantunala pon ins far recurs tar il Tribunal federal, e quai medemamain entaifer 3 dis suenter la communicaziun da la decisiun.
-
Rapport dal Cussegl federal al Cussegl naziunal e publicaziun en il Fegl uffizial federal
Ils resultats da las elecziuns dal Cussegl naziunal vegnan publitgads en il Fegl uffizial federal e sin la pagina da la Chanzlia federala.
-
Sesida constitutiva dal Cussegl naziunal
Ils 4 da december 2023 sa radunan las commembras ed ils commembers dal Cussegl naziunal a lur emprima sesida. Il medem di fan ellas ed els il sarament u l'empermischun.
-
Elecziun dal Cussegl federal sco er da la presidenta u dal president da la Confederaziun
Mintga 4 onns fa il parlament elecziuns per la renovaziun totala dal Cussegl federal ed elegia plinavant la chanceliera federala u il chancelier federal. Il medem di elegia l'Assamblea federala er la presidenta u il president da la Confederaziun sco er la vicepresidenta u il vicepresident.