Las autoritads svizras online

directamain tar il cuntegn

Cassa da malsauns per persunas estras

Obligaziun d'avair in'assicuranza

Tuttina da tge naziunalitad che Vus essas: Sche Vus abitais u lavurais en Svizra, stuais Vus avair in'assicuranza da malsauns. Er persunas che lavuran durant main che 3 mais en Svizra, ston far in'assicuranza obligatorica da malsauns. Ultra da quai vala l'obligaziun d'avair in'assicuranza per persunas che vegnan d'in stadi da la UE/AECL a lavurar en Svizra, senza ch'ellas abitan en Svizra. Cunfinaris percunter – pia persunas, che abitan en in pajais vischin e che lavuran en Svizra – pon tscherner: Els pon s'assicurar en Svizra u a lur lieu da domicil.

Termin: 3 mais

Suenter esser immigrà en Svizra, avais Vus temp 3 mais d'As assicurar tar ina cassa da malsauns. Vus pudais tscherner libramain entaifer las cassas da malsauns permessas. Ils posts communals u chantunals cumpetents surveglian l'obligaziun d'avair in'assicuranza (els As dumondan d'inoltrar ina copia da la polissa u da la carta d'assicuranza) ed approveschan eventualas excepziuns.

Register da las assicuranzas da malsauns permessas

Excepziuns

Excepziuns da questas reglas datti, malgrà il domicil en Svizra, en ils suandants cas:

  • persunas pensiunadas, sch'ellas retiran exclusivamain ina renta d'in stadi da la UE/AECL;
  • persunas cun activitad da gudogn che lavuran en in stadi da la UE/AECL;
  • students che han ina dimora temporara ed in'assicuranza equivalenta;
  • persunal d'organisaziuns internaziunalas, d'ambassadas e da consulats – e sut tschertas cundiziuns ils commembers da lur famiglia.

Obligaziun d'avair in'assicuranza e dumondas da vegnir liberà da questa obligaziun – identifitgar e contactar il post cumpetent