Las autoritads svizras online

directamain tar il cuntegn

Betg duvrar il vehichel per in tschert temp

Vus na duvrais betg Voss vehichel per in tschert temp? Sche Vus depositais ils numers d'immatriculaziun tar l'Uuffizi per il traffic sin via, na stuais Vus betg pajar l'assicuranza da responsabladad e la taglia sin ils vehichels a motor per quest temp.

Depositar ils numers d'immatriculaziun

  • Surdai ils numers d'immatriculaziun da Voss vehichel a l'uffizi per il traffic sin via da Voss chantun da domicil (al spurtegl u per posta).
  • Ils numers vegnan acceptads mo en in stadi net e senza rom.
  • L'assicuranza da responsabladad vegn sistida a partir dal di suenter il deposit dals numers d'immatriculaziun.
  • Taglias da traffic gia pajadas As vegnan bunifitgadas e restituidas.
  • Numers d'immatriculaziun depositads restan reservads per lur possessur in tschert temp a partir da la restituziun. Questa durada è differenta da chantun a chantun, ella importa però en tut ils chantuns almain 1 onn. As infurmai per plaschair tar l'uffizi per il traffic sin via da Voss chantun da domicil. Suenter questa perioda vegnan ils numers d'immatriculaziun attribuids ad in nov possessur.

Puspè immatricular ils numers

Sche Vus duvrais puspè ils numers d'immatriculaziun, stuais Vus trametter a l'uffizi per il traffic sin via ultra da l'annunzia in nov attest d'assicuranza. Quel empustais Vus directamain tar Vossa assicuranza.