Las autoritads svizras online

directamain tar il cuntegn

L'attest da salari è central per las taglias

L'attest da salari è il document il pli impurtant per la decleraziun da taglia. Pli aut che Voss salari è e pli autas che las taglias èn.

Mintga patrun è obligà d'emetter in attest da salari per ses emploiads. En quel ston vegnir inditgads tut ils pajaments e tut las remuneraziuns.

Per regla vegn el tramess il cumenzament da l'onn. Sch'el ha sbagls, sto vegnir contactà il patrun.
 
Vus avais pliras plazzas da lavur. Alura stuais Vus agiuntar a la decleraziun da taglia in attest da salari per mintga plazza da lavur. Eventualmain stuais Vus dumandar l'attest da salari tar in patrun anteriur.

Differentas reglas
L'attest da salari è destinà al lavurant. Plirs chantuns enconuschan l'obligaziun d'annunziar il salari. En quels ston ils patruns trametter l'attest da salari directamain a l'administraziun chantunala da taglia.  Ils pajataglias ston agiuntar lur attest da salari mo pli en cas che lur patrun è ordaifer il chantun.