Las autoritads svizras online

directamain tar il cuntegn

Annunziar la partenza e l'arriv tar la vischnanca da domicil

Sche Vus arrivais en ina vischnanca u sche Vus partis d'ina vischnanca èsi impurtant d'annunziar Vossa partenza tar la vischnanca da domicil veglia respectivamain Voss arriv tar la vischnanca da domicil nova.

Tar bleras vischnancas stuais Vus annunziar persunalmain Vossa partenza respectivamain Voss arriv. Per regla stuais Vus annunziar entaifer 14 dis suenter la midada da chasa Voss arriv tar la nova vischnanca da domicil.

Prendai cun Vus ils suandantas documents:

  • l'attest d'origin, individualmain u per pèrs (l'attest d'origin As vegn consegnà da Vossa veglia vischnanca da domicil;
  • in nov attest d'origin po vegnir empustà tar l'uffizi da stadi civil da Vossa vischnanca burgaisa)
  • il cudeschet da famiglia / certificat da famiglia, sche Vus avais uffantseventualmain la carta da la cassa da malsauns u in attest d'assicuranza da la polissa actuala da l'assicuranza da malsauns

Sche Vus faschais midada entaifer la vischnanca, infurmai la controlla d'abitants davart la midada d'adressa.

Sche Vus possedais in chaun, stuais Vus avisar sia partenza tar la vischnanca da domicil veglia ed annunziar ses arriv tar la vischnanca da domicil nova.

Avisar la partenza tar la vischnanca veglia

S'annunziar tar la vischnanca nova