Las autoritads svizras online

directamain tar il cuntegn

Animal da chasa – sparì u chattà

Tge che Vus stuais far, sch'in animal da chasa è sparì u vegn chattà.

Voss animal da chasa è sparì

  • El ha ina caracterisaziun (chip, tetovaziun) ch'è registrada en la banca da datas d'animals da chasa ANIS. Annunzia ad ANIS la perdita e controllai Vossas datas persunalas en la banca da datas.
  • El n'ha nagina caracterisaziun: L'annunziai sco sparì al post d'annunzia chantunal (vesair il link qua sutvart). Infurmai eventualmain las autoritads communalas e faschai ina communicaziun sin la pagina d'internet da la Centrala svizra per animals sparids e chattads.

Vus avais chattà in animal da chasa

Al laschai controllar, sch'el porta eventualmain in chip en sai. Apparats che legian quests chips datti en praticas da veterinaris, en pensiuns d'animals u tar la polizia.

  • L'animal ha in chip: A maun dal numer dal microchip po ANIS identifitgar l'animal e ses possessur.
  • L'animal n'ha betg in chip: L'annunziai tar il post d'annunzia chantunal ed infurmai l'autoritad communala cumpetenta. Annunziai ses chat eventualmain a la Centrala svizra per animals sparids e chattads. 

Obligaziun d'annunzia:

  • Sche Vus chattais in animal, al stuais Vus annunziar tar il post chantunal d'annunzia d'animals chattads.
  • Sche l'animal po – grazia al chip u a la tetovaziun – puspè vegnir dà enavos immediatamain a ses possessur, n'al stuais Vus betg annunziar al post d'annunzia d'animals chattads.

Banca da datas Amicus

Posts chantunals d'annunzia d'animals chattads

Endatar gratuitamain in'annunzia da spariziun (sin la pagina d'internet da la Centrala svizra per animals sparids e chattads)