Las autoritads svizras online

directamain tar il cuntegn

Absenzas da la plazza da lavur

Sco emploià avais Vus en tscherts cas il dretg da mancar tschertas uras pajadas u tschertins dis pajads.

Eveniments che As pertutgan persunalmain

Per ils suandants eveniments avais Vus il dretg da mancar tschertas uras limitadas da la lavur. I n'exista en general nagina obligaziun da cumpensar la lavur ch'ins ha mancà.

Motivs numnads en las leschas

  • accident
  • gravidanza e maternitad
  • ademplir obligaziuns legalas (p.ex. servetsch militar)
  • exequir in uffizi public

Ulteriurs motivs

  • maridaglia
  • naschientscha d'agens uffants
  • mort d'in proxim parent
  • midar chasa
  • e.u.v.

Per quests cas survegnis Vus liber. La durada n'è dentant betg fixada en las leschas. Consultai Voss reglament da lavur per eruir tge regulaziuns che valan en Vossa interpresa.

Eveniments che pertutgan ina gruppa da persunas pli gronda

Per ils suandants eveniments purtais Vus da princip sez la ristga, q.v.d. il patrun n'è betg obligà da pajar in salari:

  • stagnaziun dal traffic (colonnas)
  • interrupziun da la forza electrica
  • vias serradas
  • annullaziun d'in sgol
  • e.u.v.

Ulteriuras infurmaziuns chattais Vus sin la pagina d'internet dal Secretariat da stadi per l'economia SECO.

Infurmaziuns davart absenzas da la plazza da lavur