Alura pudais Vus avisar la midada da chasa online. Per far quai stat a disposiziun a Vus il servetsch «eUmzug». Ina midada da chasa munta u ina midada d’adressa entaifer la medema vischnanca ubain la partenza da Vossa vischnanca da domicil actuala en in’autra vischnanca.
Per pudair utilisar il servetsch, stuais Vus esser maiorenna resp. maioren ed abla d’agir resp. abel d’agir. Dimorantas e dimorants durant l’emna na pon betg far diever da quest servetsch.
Prendai cun Vus ils suandantas documents:
l'attest d'origin, individualmain u per pèrs (l'attest d'origin As vegn consegnà da Vossa veglia vischnanca da domicil; in nov attest d'origin po vegnir empustà tar l'uffizi da stadi civil da Vossa vischnanca burgaisa)
il cudeschet da famiglia / certificat da famiglia, sche Vus avais uffants
eventualmain la carta da la cassa da malsauns u in attest d'assicuranza da la polissa actuala da l'assicuranza da malsauns
Sche Vus faschais midada entaifer la vischnanca, infurmai la controlla d'abitants davart la midada d'adressa. Sche Vus possedais in chaun, stuais Vus avisar sia partenza tar la vischnanca da domicil veglia ed annunziar ses arriv tar la vischnanca da domicil nova.
- Nagins resultats
- Nagins resultats