Las autoritads svizras online

directamain tar il cuntegn

Dronas: infurmaziuns e reglas

Vulais Vus laschar sgular ina drona? Sch’il model paisa damain che 30 kilograms, na duvrais Vus nagina permissiun. Tschertas prescripziuns stuais Vus però resguardar.

L’Uffizi federal d’aviatica civila (UFAC) metta a disposiziun in fegl d’infurmaziun (en tudestg):

Las reglas las pli impurtantas:

  • Sche Vossa drona paisa dapli che 500 grams, duvrais Vus in’assicuranza da responsabladad.
  • Ils chantuns e las vischnancas han per part prescripziuns supplementaras. As infurmai perquai er sin la pagina d’internet da Vossa vischnanca.
  • Fotografias or da l’aria èn admissiblas, premess che las prescripziuns davart la protecziun da stabiliments militars e davart la protecziun da la sfera privata vegnian resguardadas.
  • Per dronas e per eromodels fin a 30 kilograms na dovri nagina permissiun da l’UFAC, uschenavant che Vus mantegnais adina il contact visual direct cun la drona e salvais ina distanza d’almain 100 meters da gruppas da passa 24 persunas.

La charta interactiva da restricziuns per las dronas e per ils eromodels mussa, sch’igl è necessari d’avair ina permissiun d’ina plazza aviatica.

Charta da restricziuns per las dronas e per ils eromodels