Sin admin.ch Vus chattais las resultats.
La Svizra ha sin l'entir mund ina da las leschas las pli severas per la protecziun dals animals. La dignitad ed il bainstar dals animals èn protegids, independentamain dal dumber d'animals che vegnan tegnids en in lieu. La Confederaziun promova ultra da quai furmas da la producziun agricula che respectan spezialmain la natira, l'ambient ed ils animals. Quai è prescrit en la constituziun.
Adina dapli animals da niz vivan en stallas che correspundan particularmain als basegns dals animals e che permettan als animals da sortir regularmain en il liber.
L'iniziativa vul francar en la constituziun la protecziun da ladignitad dals animals da niz sco ils arments, las giaglinas u ils portgs. Plinavant vul ella scumandar l'allevament intensiv, perquaiche tal violeschia sistematicamain il bainstar dals animals.
La Confederaziun stuess fixar pretensiuns minimalas pli severasper ina tegnida ed ina tgira tenor ils basegns dals animals, la pussaivladad da sortir en il liber, la meztga e la grondezza maximala da la gruppa per stalla.
Questas pretensiuns stuessan correspunder almain a las directivas da Bio Suisse da l'onn 2018, e tut ils manaschis agriculs stuessan observar ellas en la tegnida d'animals. Las pretensiuns valessan er per importar animals e products d'animals sco er victualias cun ingredienzas d'origin animal. Tras quai vegnissan violadas cunvegnas cun partenaris commerzials impurtants.
Recumandaziun dal Cussegl federal e dal parlament
Il Cussegl federal ed il parlament refusan l'iniziativa. Ils animals da niz èn gia protegids fitg bain. Adina dapli animals vegnan tegnids en ina moda che respecta particularmain ils animals. In scumond d'importar products che n'adempleschan betg il standard biologic en la tegnida d'animals pudess ins realisar mo cun fitg gronds custs e blera lavur. Bleras victualias vegnissan pli charas.
Recumandaziun dal comité d'iniziativa
Tenor il comité vegn la Lescha davart la protecziun dals animals savens designada sco exemplarica. Il comité è però da l'avis che la realitad saja in'autra en l'agricultura. Perquai pretenda l'iniziativa ina tegnida ed ina tgira tenor ils basegns dals animals, la pussaivladad da sortir regularmain en il liber, gruppas pli pitschnas ed ina meztga cun quità.
La stabilitad finanziala da la AVS è en privel, perquai chelas annadas cun bleras naschientschas cuntanschan la vegliadetgnada pensiun e perquai che l'aspectativa da vita crescha. En paucs onns na bastan las entradas da la AVS betg pli perfinanziar tut las rentas.
La refurma per stabilisar la AVS (AVS 21) duai garantir las rentas da la AVS per ils proxims var 10 onns. La refurma da la AVS cumpiglia dus projects.
Finanziaziun supplementara da la AVS tras in augment dala taglia sin la plivalur
Midada da la Lescha federala davart l'assicuranza per vegls e survivents (AVS 21)
Ils dus projects èn colliads in cun l'auter; sch'indad els vegn refusà, fa l'entira refurma naufragi.
Finanziaziun supplementarada la AVS tras in augment dala taglia sin la plivalur
Entradas supplementarasresultan da l'augment da la taglia sin la plivalur: La tariffada taglia reducida vegn auzada da 2,5 a 2,6 pertschient, latariffa normala da 7,7 ad 8,1 pertschient.
Recumandaziun dal Cussegl federal e dal parlament
Per il Cussegl federal e per il parlament è l'augment minimal da la taglia sin la plivalur giustifitgà e necessari. Quest augment gida decisivamain a segirar la AVS. Sch'ins vuless stabilisar las finanzas da la AVS mo cun respargns, stuessan las prestaziuns vegnir reducidas en moda radicala.
Punct da vista da la minoritad dal parlament
En il Cussegl naziunal ha ina minoritad refusà il conclus federal. Bain n'è questa gruppa da parlamentarias e parlamentaris betg stada da princip cunter l'idea da procurar meds finanzials supplementars per la AVS. Ellas ed els n'han dentant betg mo vulì augmentar la taglia sin la plivalur, mabain dar a la AVS er ina part dals gudogns da la Banca naziunala.
Midada da la Lescha federala davart l'assicuranza per vegls e survivents (AVS 21)
Danov vala ina vegliadetgna da renta unitara da 65 onns perdunnas ed umens. La vegliadetgna da renta da las dunnas vegn auzada pass per pass da 64 a 65 onns. Quest augment vegn mitigià tras mesiras cumpensatoricas: Sche la refurma entra envigur sco planisà l'onn 2024, vegnan las dunnas da las annadas 1961 fin 1969 a pudair sa laschar pensiunar anticipadamain sut meglras cundiziuns u a survegnir in supplement sin lur rentasda la AVS, sch'ellas lavuran fin 65 onns.
La refurma porta ultra da quai dapli flexibilitad: Ella pussibilitescha da deciderlibramain dad ir en pensiun tranter 63 e 70 onns sco er dareducir l'activitad da gudogn pass per pass grazia a rentas parzialas.
Recumandaziun dal Cussegl federal e dal parlament
Per stabilisar las finanzas da la AVS na dovri tenor il Cussegl federal ed il parlament betg mo entradas supplementaras,mabain er respargns. Perquai vegn unifitgada la vegliadetgnada renta per dunnas ed umens. L'augment da la vegliadetgna darenta da las dunnas da 64 a 65 onns vegn mitigià finanzialmain.
Recumandaziun dal comité da referendum
Tenor il comité vegni spargnà unicamain sin donn e cust da las dunnas, er sch'ellas survegnan gia oz ina renta da vegliadetgna ch'è per in terz pli bassa che la renta dals umens. E quai saja mo l'emprim pass, pertge che la vegliadetgna da renta da 67 onns per tuttas e tuts saja gia en mira. La AVS 21 saja l'emprimda blers projects da reducziun che pertutgan nus tuttas e tuts.
La Confederaziun incassescha ina taglia anticipada da 35 pertschient sin entradas da tschains. Persunas privatas che vivan en Svizra pon pretender enavos questa taglia, sch'ellas inditgeschan ils tschains en la decleraziun da taglia. Ils tschains d'obligaziuns èn suttamess a la taglia anticipada mo, sche las obligaziuns èn vegnidas emessas en Svizra. Quai è in dischavantatg per l'economia svizra. Per prender ad emprest danerscemettan bleras interpresas lur obligaziuns perquai en pajaische n'incasseschan betg ina taglia anticipada.
Las interpresas svizras duain emetter lur obligaziuns plisavens en Svizra. Perquai vegnan las obligaziuns svizras deliberadas da la taglia anticipada tras quest project. Las obligaziuns svizras daventan uschia pli attractivas per las investidras ed ils investiders. Cun il project croda davent er la taxa da svieuta per obligaziuns svizras e per ulteriuras vaglias. Questa taxaston ins pajar ozendi, sch'ins cumpra u venda vaglias. Tuttas duas mesiras fissan d'avantatg per l'economia svizra. En il cas il pli favuraivel pudess la refurma finanziar sasezza gia l'onnch'ella entra en vigur. Cunter la refurma èsi vegnì fatg in referendum. Il comité suppona ch'il project chaschunia dapli omissiuns fiscalas.
Recumandaziun dal Cussegl federal e dal parlament
Il Cussegl federal ed il parlament vulan far turnar en Svizra las plazzas da lavur ch'èn sa spustadas a l'exteriur e las entradas da taglia ch'èn idas a perder. La refurma rinforza il martgà svizzer d'obligaziuns e la Svizra sco lieu da lavur. En il cas il pli favuraivel pudess la refurma finanziar sasezza gial'onn ch'ella entra en vigur.
Ulteriuras infurmaziuns
Per il comité da referendum chaschuna la refurma dapli criminalitad fiscala e perditas da taglia da fin 800 milliuns francs. Da la refurma profitan tenor il comité cunzunt las investidras ed ils investiders da l'exteriur. Il medem mument resta la taglia anticipada en vigur per contos da banca da las votantas e dals votants svizzers.
Sin admin.ch, la pagina d'internet uffiziala dal Cussegl federal, chattais Vus infurmaziuns e links davart ils temas dals projects da votaziun:
Sin la pagina d'internet «Co vegn il cedel da votar emplenì en moda correcta?» chattais Vus ils differents pass che Vus stuais far per votar en moda correcta.