Ensemen cun var 140 ulteriurs stadis ha la Svizra confermà, che las grondas gruppas d'interpresas ch'èn activas sin plaun internaziunal duain pajar almain 15% taglia. Sch'ina gruppa d'interpresas paja en in pajais pli pauc taglia, pon auters pajais suttametter questa gruppa a la taglia, fin ch'ils 15% èn cuntanschids. Actualmain paja ina part da las gruppas d'interpresas taglias pli bassas en Svizra.
Il Cussegl federal ed il parlament vulan pudair introducir l'imposiziun minimala da taglia per gruppas d'interpresas ch'èn activas sin plaun internaziunal. Per tut las autras interpresas nasa mida nagut. Quai duai vegnir realisà cun ina taglia cumplementara. Sche la Svizra n'impona betg ina taglia cumplementara, pon auters stadis incassar la differenza als 15%. Las consequenzas finanzialas dal project èn difficilas da stimar. Per l'emprim onn vegnan las entradas da la taglia cumplementara stimadas sin 1 fin 2,5 milliardas francs. 75% da las entradas duain ir als chantuns, 25% a la Confederaziun. Grazia a lagulivaziun da finanzas profitan tut ils chantuns. En Svizra èn activas bleras interpresas internaziunalas. Quellas porschan bleras plazzas da lavur ed han in effect positiv considerabel sinlas entradas fiscalas. Taglias pli autas han in effect negativ sin l'attractivitad dal lieu. Las entradas da la taglia cumplementara duain perquai er vegnir impundidas per promover l'attractivitad dal lieu, cun l'intent da garantir plazzas da lavur ed entradas fiscalas. Per la realisaziun dovri ina midada da la Constituziun federala. Perquai è necessaria ina votaziun dal pievel.
Recumandaziun dal Cussegl federal e dal parlament
Il Cussegl federal ed il parlament recumondan d'acceptarquest project. El garantescha cundiziuns generalas stabilase segirescha entradas fiscalas sco er plazzas da lavur en Svizra. Da quai profitan tuttas e tuts.
Punct da vista da la minoritad dal parlament
Ina minoritad dal parlament refusa il project. Ina gronda part da las entradas giaja a paucs chantuns ch'èn fiscalmain attractivs e che han bleras interpresas grondas. L'occasiun da franar la concurrenza fiscala interchantuna la na saja betg vegnida nizzegiada.
La Svizra importa var trais quarts da sia energia. L'ieli mineral ed il gas natiral che vegnan duvrads en Svizra, derivan cumplainamain da l'exteriur. Quests purtaders d'energia fossils n'èn betg disponibels illimitadamain ed engrevgeschan fermamain il clima. Per sminuir la dependenza da l'exteriur e la grevezza per l'ambient vulan il Cussegl federal ed il parlament reducir il consum d'ieli e da gas. A medem temp duai vegnir producida dapli energia en Svizra.
Cun quest project reducescha la Svizra pass per passil consum d'ieli mineral e da gas natiral. La finamira è, che la Svizra daventia climaticamain neutrala fin l'onn 2050. Il projectprevesa mesiras per reducir il consum d'energia. Tgi che remplazzases stgaudament dad ieli, da gas u electric, vegn distgargià finanzialmain. Ultra da quai vegnan sustegnidas interpresas ch'investeschan en tecnologias favuraivlas al clima. Il project è ina cuntraproposta indirecta a l'Iniziativa da glatschers. Cuntraria l'iniziativa na cuntegna il project nagin scumond da purtaders d'energia fossils sco benzin, diesel, ieli da stgaudar e gas. Cunter quest project èsi vegnì fatg in referendum.
Recumandaziun dal Cussegl federal e dal parlament
Grazia al project daventan la populaziun e l'economia pli independentas dals imports d'ieli e da gas. La protecziun dal clima vegn rinforzada, senza scumonds e senza novas taxas. Tgi che investescha en stgaudaments favuraivels al clima ed en tecnologias innovativas, vegn sustegnì finanzialmain.
Recumandaziun dal comité da referendum
Il comité da referendum avertescha, ch'il basegn d'electricitad creschia massivamain e ch'ils pretschs d'electricitad explodeschian. La restructuraziun dal provediment d'energia dad ieli da stgaudar, gas, diesel e benzin a forza electrica saja lunschdavent da la realitad. Il proceder n'haja nagin plan, engrevgeschia la mancanza d'electricitad, sfigureschia l'ambient e pericliteschia la segirezza dal provediment.
Il coronavirus resta incalculabel. Co ch'el vegn a sa svilupparvinavant, na pon ins betg prognostitgar cun segirezza. I n'èbetg exclus ch'i sa sviluppan puspè variantas dal virus ch'ènprivlusas. Per tschertas mesiras ha il parlament perquai prolungà la basa giuridica en la Lescha COVID-19 fin mez dal 2024. Uschia pon las autoritads reagir svelt en cas d'urgenza per pudair proteger las persunas spezialmain periclitadas ed il sistem da sanadad. Cunter la prolungaziun èsi vegnì fatg in referendum.
Cun la prolungaziun da las disposiziuns pon vinavantvegnir importads ed utilisads medicaments cunter grevs decursda COVID, er sche tals n'èn betg anc admess en Svizra. La Confederaziun po vinavant emetter in certificat COVID, particularmainsche quai avess puspè dad esser necessari per viagiara l'exteriur. Ultra da quai po ella obligar ils patruns da proteger las persunas spezialmain periclitadas e per exempel da las laschar lavurar davent da chasa. Sch'ils cunfins vegnissan serrads, sto la Confederaziun procurar che las cunfinarias ed ils cunfinaris possian vinavant entrar en il pajais. L'app SwissCovid ch'è actualmain deactivada, po vegnir reactivada en casda basegn. Sche la prolungaziun vegniss refusada, vegnissan questas disposiziuns abolidas per la fin da december 2023.
Recumandaziun dal Cussegl federal e dal parlament
La Lescha COVID-19 è stada impurtanta per la Confederaziuned ils chantuns. Ella ha permess da limitar la pandemia da COVID-19 e da mitigiar sias consequenzas. En cas d'urgenza vulan il Cussegl federal ed il parlament pudair revegnir als instruments cumprovads, per pudair proteger las persunas spezialmain periclitadas ed il sistem da sanadad.
Recumandaziun dal comité da referendum
Per il comité è la prolungaziun da la Lescha COVID-19 inutila e nuschaivla. La lescha pussibiliteschia d'introducir mintga mument puspè mesiras discriminantas. Cun in «na» possia la spartiziun da la societad vegnir superada ed ins possia turnar a la normalitad.
Sin admin.ch, la pagina d'internet uffiziala dal Cussegl federal, e sin l'app VoteInfo, chattais Vus infurmaziuns e links davart ils temas dals projects da votaziun.