Cuntrari a la regenza svizra, il Cussegl federal, vegnan elegidas las regenzas dals 26 chantuns directamain dal pievel.

Per regla han questas elecziuns lieu mintga 4 onns, cun excepziun dals chantuns Friburg, Vad, Genevra e Giura che han in ciclus da 5 onns e da l'Appenzell Dadens ch'elegia mintga onn.

Las regenzas han tranter tschintg e set commembras e commembers, tut tenor il chantun.

Per regla sa tracti d'elecziuns da maiorz. In'excepziun è il chantun Tessin ch'elegia tenor il sistem da proporz. En il chantun Berna survegn il Giura bernais, ed uschia la minoritad francofona dal chantun, in dals set sezs.