Sche las votantas ed ils votants èn cunter conclus dal parlament, pon els far in referendum . Las votantas ed ils votants ston rimnar entaifer 100 dis 50 000 suttascripziuns valaivlas. Quest termin cumenza il di ch'il decret respectiv vegn publitgà uffizialmain. Il referendum po er vegnir pretendì cuminaivlamain dad 8 chantuns. Questa lescha entra mo en vigur, sche la maioritad da las votantas e dals votants l'accepta.
Co fan ins in referendum?
La votaziun dal pievel sto vegnir fatga, sch'il parlament deliberescha tscherts decrets, spezialmain sch'el mida la constituziun . Midadas da la constituziun entran mo en vigur, sch'ellas vegnan acceptadas en la votaziun dal pievel da la maioritad da las votantas e dals votants sco er da la maioritad dals chantuns.
Art. 140 da la Constituziun federala – referendum obligatoric