Las autoritads svizras online

directamain tar il cuntegn

Return en Svizra

Vus avais vivì per in temp pli lung a l’ester e vulais returnar en Svizra. En quest cas datti bler da preparar e da reglar.

Mussavia dal DFAE – Svizras e Svizzers a l'exteriur che returnan

I vala la paina da preparar il return en Svizra ad ura e cun quità. Il Departament federal d’affars exteriurs (DFAE) ha rimnà tut las infurmaziuns en ina broschura.

Entrada en Svizra – formalitads da duana

As atschertai avant che far midada che Vus hajas liquidà tut las formalitads administrativas al lieu, particularmain che Vus hajas annunzià Vossa partenza a las autoritads localas. Sche Vus transferis Voss domicil en Svizra, pudais Vus importar gratuitamain Voss mobigliar e Vossa rauba da chasa.

Tschertgar ina plazza

Co chattais Vus ina plazza da lavur en Svizra? Biros per lavur temporara, agenturas d'intermediaziun da plazzas, portals online da plazzas da lavur. Il suandant link As gida vinavant. 

Sche Vus essas londervi a tschertgar ina plazza da lavur, As annunziai tar Vossa vischnanca da domicil u tar il center regiunal per intermediaziun da lavur ch'è cumpetent (CIL).

Agid

Mintgatant n'è il return betg uschè simpel. Qua chattais Vus infurmaziuns davart l'assicuranza cunter la dischoccupaziun e davart l'agid social. 

Dischoccupaziun – agid social