Renatiralisaziun

Tge circumstanzas che mainan a la perdita dal dretg da burgais e co che Vus al pudais puspè dumandar enavos

Reacquistar il dratg da burgais

Ina persuna po reacquistar il passaport svizzer, sch’ella ha perdì il dretg da burgais svizzer or dals suandants trais motivs:

giuridicamain tras la scadenza dal dretg da burgais

sch’ella ha inoltrà ina dumonda per relaschar il dretg da burgais
tras maridaglia cun ina persuna estra avant l’onn 1992

Renatiralisaziun – Questa è la procedura

Perdita dal dretg da burgais svizzer

Sut tschertas cundiziuns po scader il dretg da burgais svizzer:

or da motivs giuridics:

sch’i vegn dismessa la relaziun d’in uffant cun in genitur, tras la quala l’uffant aveva survegnì il dretg da burgais svizzer
en cas d’ina naschientscha a l’exteriur, permess che la persuna n’è betg vegnida registrada dad ina autoritad svizra fin a la vegliadetgna da 25 onns.

tras ina decisiun uffiziala:

tras la relaschada dal dretg da burgais sin agen giavisch;
tras la privaziun dal dretg da burgais tar in burgais dubel, sch’el sa deporta en moda ferm dischavantagiusa or da vista da la Svizra.

La pagina d’internet da l’Uffizi federal da migraziun s’infurmescha en moda pli detagliada.

Perdita dal dretg da burgais chantunal u communal

Reglamentaziuns chantunalas e communalas prevedan en singuls cas (tar il dretg da burgais multipel) la perdita dal dretg da burgais chantunal u communal. Quai è pussaivel mo lura, sch’il dretg da burgais svizzer na vegn betg tangà.

Uffizi federal da migraziun – Perdita dal dretg da burgais svizzer

Relaschada dal dretg da burgais svizzer

Relaschada dal dretg da burgais svizzer: Sche Vus abitais a l’exteriur ed essas Svizzer u Svizra, ma avais anc in’ulteriura naziunalitad (resp. ina tala As è vegnida garantida), pudais Vus inoltrar ina dumonda tar la represchentanza svizra responsabla per vegnir relaschà dal dretg da burgais svizzer. La dumonda vegn renviada sur l’Uffizi federal da migraziun a l’autoritad responsabla da Voss chantun d’origin.

Relaschada dal dretg da burgais communal e chantunal: La Relaschada dal dretg da burgais communal e chantunal sa drizza – senza tangar il dretg da burgais –tenor las directivas dal chantun o da la vischnanca pertutgada.