Las autoritads svizras online

directamain tar il cuntegn

Viagiar cun uffants d’autras famiglias: Tge che Vus stuais resguardar

Bleras famiglias van en vacanzas cun ils uffants da lur amias ed amis. I vegn cusseglià da prender cun sai in plainpudair dals geniturs. En cas d’in viadi a l’exteriur ston vegnir resguardadas las disposiziuns d’entrada spezialas dals singuls pajais.

La Svizra n’ha fin oz naginas disposiziuns legalas davart uffants che viagian senza ubain cun persunas accumpagnantas che na fan betg part da la famiglia. L’Uffizi federal da polizia recumonda dentant als geniturs da dar a lur uffants ina decleraziun en scrit cun las suandantas indicaziuns:

  • num, numer da la carta d’identitad (+ ev. ina copia da quella), adressa, numer da telefon dals geniturs;
  • num, numer da la carta d’identitad, adressa da la persuna accumpagnanta;
  • num, numer da la carta d’identitad da l’uffant;
  • ruta e datas dal viadi.

Diversas vischnancas mettan a disposiziun in formular correspundent. Las suttascripziuns duessan vegnir autentifitgadas da la vischnanca da domicil ubain d’in notariat.

Viagiar a l’exteriur

Sch’in uffant viagia a l’exteriur senza ses geniturs biologics ubain mo cun in genitur, valan tut tenor il pajais da destinaziun differentas disposiziuns. As infurmai tar l’ambassada dal pajais correspundent. Las adressas chattais Vus sin la pagina d’internet dal Departament federal d’affars exteriurs (DFAE). Er ils organisaturs da viadis e las societads aviaticas porschan infurmaziuns davart las disposiziuns d’entrada dals differents pajais.

EDA: Vertretungen und Reisehinweise