Restar en contact cun la Svizra

La «Schweizer Revue» sa drizza a Svizras e Svizzers a l’exteriur. Ella cumpara online e sin palpiri en tschintg linguas. Ella vegn tramessa a mintga chasada cun commembras e commembers registrads tar l’ambassada svizra u tar in consulat general.

Per incumbensa da la Confederaziun infurmescha swissinfo.ch a l’exteriur. La purschida sa drizza ad in public internaziunal che s’interessescha per la Svizra sco er a Svizras e Svizzers a l’exteriur.

Mintg’onn van radund 28’000 Svizras e Svizzers a l’exteriur per viver, per lavurar, per studegiar u per passentar là lur pensiun. La Lescha davart ils Svizzers a l’exteriur regla lur dretgs e lur obligaziuns. La Svizra porscha er numerus servetschs a sias burgaisas ed a ses burgais.

Er sco Svizra u Svizzer a l’exteriur pudais Vus As participar a la vita politica da la Svizra.

Differents chantuns porschan ad ina part da lur votantas e votants la pussaivladad da votar sin via electronica.

En temp da pasch èn Svizras e Svizzers che vivan a l’exteriur liberads da la recrutaziun e da l’obligaziun da far servetsch militar. Tschertas restricziuns valan dentant per il territori damanaivel dal cunfin.

L’Organisaziun dals Svizzers a l’exteriur OSE creescha contacts tranter Svizras e Svizzers a l’exteriur. Ella porscha blers servetschs sco per exempel la plattafurma online swisscommunity.org. Qua pon Svizras e Svizzers a l’exteriur en tut il mund sa barattar ed entrar en contact in cun l’auter.

Scolas svizras a l’exteriur e pussaivladads da furmaziun per Svizras e Svizzers a l’exteriur en Svizra.

La Pro Helvetia promova l’art e la cultura svizra en Svizra sco er a l’exteriur.