Las autoritads svizras online

directamain tar il cuntegn

Lavurar a l'exteriur

Chattar ina plazza da lavur a l'ester

En la gronda part dals pajais duvrais Vus ina permissiun da lavur per che Vus possias exercitar là in'activitad da gudogn. Per regla survegnis Vus quella, sche Vus avais in contract da lavur.

Mobilitad en Europa

Contracts da lavur

Sche Vus na vegnis betg spedids d'ina firma svizra a l'exteriur vegn il dretg dal pajais da destinaziun a valair per Voss contract da lavur nov. Quai chattais Vus tips e recumandaziuns dal DFAE davart ils contracts da lavur. 

Taglias

Suenter che Vus avais bandunà la Svizra, stuais Vus pajar Vossas taglias en il pajais da destinaziun. En tscherts cas limitads stuais Vus però pajar vinavant taglias en Svizra, numnadamain, sche Vus possedais immobiglias en Svizra u sche Vus lavurais mintgatant en Svizra. Cun blers pajais ha la Svizra fatg cunvegnas davart l'imposiziun dubla da taglia per evitar che Vus stoppias pajar duas giadas taglia sin Vossas entradas u sin Vossa facultad.