Las autoritads svizras online

directamain tar il cuntegn

Ir a star a l'exteriur

Glista da controlla "Emigrar". Ed ussa – tge far? – DFAE

Vus vulessas emigrar e viver per in temp pli lung a l'ester? As infurmai avant co partir davart Voss pajais da destinaziun, co ch'i vesa ora là cun ils custs da viver e tge formalitads che Vus stuais liquidar en Svizra ed en il pajais da destinaziun.

Duvrai la glista da controlla dal DFAE per che Vus n'emblidias nagut avant la partenza: 

Represchentanzas svizras a l'exteriur

Sco Svizra u Svizzer a l'exteriur As stuais Vus immatricular tar ina represchentanza diplomatica u consulara da la Svizra. Il consulat svizzer ha la medema funcziun sco l'administraziun communala en Svizra. Cun in clic sin la pagina d'internet dal DFAE chattais Vus la represchentanza svizra ch'è il pli datiers da Voss domicil.

Pensiun a l'exteriur

Adina dapli Svizras e Svizzers vulessan viver a l'exteriur, cur ch'els èn pensiunads. Avant che Vus As decidais da far quest pass, As infurmai davart las permissiuns da dimora per persunas senza activitad da gudogn, davart l'assicuranza da malsauns, davart las modalitads dal pajament da la renta a l'exteriur, davart las taglias.

Viver a l'ester suenter il pensiunament

Assicuranza da malsauns ed AVS

Cun partir da la Svizra As mida Vossa situaziun en quai che concerna l'assicuranza da malsauns, la AVS/AI e la prevenziun professiunala.

AVS/AI

Prevenziun professiunala

Assicuranza da malsauns

Dretgs politics

Sco Svizra u Svizzer a l'exteriur pudais Vus exercitar Voss dretg da votar e d'eleger sin plaun federal. Per pudair far quai, stuais Vus esser immatriculà tar ina represchentanza diplomatica u consulara da la Svizra e tar Vossa vischnanca da votaziun (ina da Vossas vischnancas da domicil da pli baud u in da Voss lieus d'origin). 

En ils chantuns Basilea-Champagna, Berna, Friburg, Genevra, Grischun, Giura, Neuchâtel, Sviz, Soloturn e Tessin han las Svizras ed ils Svizzers a l'exteriur ultra da quai er il dretg da votar e d'eleger sin plaun chantunal. 

Dretgs politics – annunzia

Votaziuns