En ils blers chantuns ha l'elecziun dal Cussegl dals chantuns lieu tenor il sistem da maiorz. En ils chantuns Giura e Neuchâtel vegn il Cussegl dals chantuns percunter elegì tenor il sistem da proporz.

En ils chantuns cun sistem da maiorz dovri per ordinari la maioritad absoluta per vegnir elegida u elegì. Quai vul dir, elegida e quella persuna cha ha obtegnì pli che 50 pertschient da tut las vuschs.

Sche nagina persuna na cuntanscha la maioritad absoluta en l'emprim scrutini, dovri in segund scrutini. En il segund scrutini è elegida u elegì la candidata u il candidat cun las pli bleras vuschs, er sch'ella u el survegn main che 50 pertschient da las vuschs (maioritad relativa).