Il material electoral cumpiglia en general:
l'attest da votar cun Voss prenum e num
tut ils cedels electorals prestampads cun las glistas da las candidatas e dals candidats uffizials che vegnan proponids da las partidas, da moviments politics u da gruppaziuns che candideschan
in cedel electoral betg prestampà (cedel electoral vid)
ina cuverta da votar
il mussavia electoral da la Confederaziun
Attenziun: Tranter ils chantuns datti pitschnas differenzas.
En quests chantuns survegnis Vus il suandant material electoral:
l'attest da votar cun Voss prenum e num
in cedel electoral betg prestampà (cedel electoral vid)
ina cuverta da votar
En quests chantuns na datti nagina procedura d'annunzia per candidatas e candidats. Las electuras ed ils electurs pon eleger mintga persuna cun dretg da votar che abita en il chantun.
En quests chantuns survegnis Vus il suandant material electoral:
l'attest da votar cun Voss prenum e num
in cedel electoral betg prestampà (cedel electoral vid)
ina cuverta da votar
* Ils chantuns UR, AR ed AI n'han betg ina procedura d'annunzia uffiziala per las candidatas ed ils candidats. En il chantun Glaruna è la procedura d'annunzia facultativa. Là chattais Vus las candidatas ed ils candidats sin la pagina d'internet ed en il fegl uffizial dal chantun.
Ils documents per l'elecziun dal Cussegl naziunal survegnis Vus en tut ils chantuns almain 3 dentant maximalmain 4 emnas avant il termin da l'elecziun, q.v.d. tranter ils 24 da settember ed il 1. d'october 2023.
Ils documents per l'elecziun dal Cussegl dals chantuns vegnan tramess en ils blers chantuns il medem mument; i dat però excepziuns: Per exempel vegn il Cussegl dals chantuns elegì en il chantun Appenzell Dadens adina l'avrigl (quest onn ils 30 d'avrigl 2023).
Attenziun: La spediziun dals material electoral a las Svizras ed ils Svizzers a l'exteriur cun dretg da votar po vegnir fatga in'emna pli baud che la spediziun per las persunas cun dretg da votar en Svizra.
Sche Vus n'avais betg survegnì Voss material electoral fin 3 emnas avant las elecziuns u sch'ils documents n'èn betg cumplets, duessas Vus contactar immediatamain Vossa vischnanca da domicil:
- Nagins resultats
Sche Vus vivais a l'exteriur, stuais Vus contactar Vossa vischnanca da votaziun u Voss chantun da votaziun.
Sin las paginas «Uschia vegnan elegidas las commembras ed ils commembers dal Cussegl naziunal» ed «Uschia vegnan elegidas las commembras ed ils commembers dal Cussegl dals chantuns» chattais Vus las infurmaziuns che Vus duvrais per emplenir correctamain ils cedels electorals.
Quants sezs en il Cussegl naziunal ed en il Cussegl dals chantuns che Voss chantun ha dabun, vegnis Vus a savair sin la pagina «Dumber da sezs en il parlament».
Infurmaziuns davart las novas prescripziuns concernent la finanziaziun da las partidas chattais Vus sin la pagina «Transparenza davart la finanziaziun da la politica»