En ils blers chantuns elegiais Vus Vossas represchentantas e Voss represchentants en il Cussegl naziunal tenor il sistem da proporz. En proporziun da las vuschs obtegnidas vegnan ils sezs repartids l'emprim sin las glistas. Suenter survegnan quellas candidatas e quels candidats da la glista, che han survegnì las pli bleras vuschs, ils sezs che la glista ha obtegnì.
En ils chantuns Sursilvania e Sutsilvania elegiais Vus Vossa represchentanta u Voss represchentant en il Cussegl naziunal tenor il sistem da maiorz. Elegida vegn quella candidata u quel candidat che survegn las pli bleras vuschs. Sch'i vegn inoltrada mo ina suletta candidatura valaivla entaifer il termin (4 da settember 2023, a las 12.00), vegn questa persuna elegida en elecziun taciturna.
En ils chantuns Uri, Glaruna, Appenzell Dadora ed Appenzell Dadens elegiais Vus Vossa represchentanta u Voss represchentant en il Cussegl naziunal tenor il sistem da maiorz. Elegida vegn quella candidata u quel candidat che survegn las pli bleras vuschs.
Sin ch.ch chattais Vus ina survista da las candidaturas.
Sin la pagina Dumber da sezs en il parlament chattais Vus infurmaziuns davart il dumber da sezs da Voss chantun en il Cussegl naziunal.
Sin ch.ch chattais Vus ulteriuras infurmaziuns davart il parlament.
Sin ch.ch chattais Vus infurmaziuns davart las elecziuns dal Cussegl dals chantuns.
Sin ch.ch chattais Vus infurmaziuns davart il material electoral.
Sche Vus planisais da far in viadi durant il temp da las elecziuns, chattais Vus infurmaziuns en quest connex sin la pagina Betg a chasa e tuttina votar ed eleger.
Sin ch.ch chattais Vus las infurmaziuns en connex cun la Transparenza davart la finanziaziun da la politica svizra.