directamain tar il cuntegn

Organisaziun da las elecziuns dal Cussegl naziunal: Modalitads, reglas ed etappas impurtantas

I dura plirs mais per organisar l'elecziun dals 200 commembers dal Cussegl naziunal. Involvids èn numerus acturs (autoritads, partidas, gruppaziuns che candideschan, candidatas e candidats).

La Chanzlia federala infurmescha davart las reglas

La Cancelleria federale informa i Cantoni sulle norme in vigore e sulle procedure da rispettare nell’ambito dell’elezione del Consiglio nazionale. Spetta poi ai Cantoni mettere in pratica queste regole e trasmetterle ai propri Comuni, organizzare lo svolgimento dello scrutinio ed effettuare i controlli necessari.

Candidatas e candidats, partidas, gruppaziuns che candideschan e tscherna da las persunas

En ils chantuns cun dapli ch’in sez en il Cussegl naziunal tschernan las partidas ed ulteriuras gruppaziuns che candideschan lur candidatas e candidats. Ellas cumpileschan las glistas electoralas ch'ellas vulan suttametter a las votantas ed als votants. Vegnir elegidas pon mo quellas persunas che stattan sin ina glisa electorala dal chantun.

Autra è la situaziun en ils chantuns cun sulettamain in sez en il Cussegl naziunal: En ils chantuns Sursilvania e Sutsilvania pon vegnir elegids mo candidatas e candidats che stattan sin il cedel electoral. En ils chantuns Uri, Glaruna, Appenzell Dadora ed Appenzell Dadens datti percunter nagina procedura d’annunzia stringenta. Qua pon pia vegnir elegidas tut las persunas cun dretg da votar.

Candidatura sco commembra u commember d’ina partida politica u candidatura senza partida
Co candidesch jau per il Cussegl naziunal?

Ils chantuns e la Chanzlia federala controlleschan las glistas electoralas

Las partidas u las gruppaziuns che candideschan surdattan als chantuns las glistas electoralas cun las candidatas ed ils candidats che vegnan proponids per l'elecziun. Ils chantuns examineschan las glistas electoralas e transmettan quellas a la Chanzlia federala. Quella controllescha tut ils nums sin las glistas (tar las elecziuns dal Cussegl naziunal da l'onn 2015 eran quai bunamain 3800 persunas). La Chanzlia federala controllescha che nagin na candideschia a medem temp en dus chantuns u na figureschia sin pliras glistas. En Svizra ha mintga circul electoral, vul dir mintga chantun, sias atgnas candidatas e ses agens candidats: Per partida na datti betg ina glista naziunala, mabain en mintga chantun in'autra glista cun autras candidatas ed auters candidats.

Las votantas ed ils votants retschaivan almain trais ed il pli baud quatter emnas avant il di da las elecziuns tut ils cedels electorals per posta.  

Tut è pront per las elecziuns dal Cussegl naziunal

Paucas emnas avant il termin d'elecziun: Las partidas e las gruppaziuns candideschan fan reclama e las candidatas ed ils candidats emprovan d'acquistar la simpatia da las votantas e dals votants. Da l'autra vart engaschan las vischnancas las gidantras ed ils gidanters per las elecziuns e preparan las urnas per ils locals electorals. Er las persunas cun dretg da votar entran ussa en acziun. Ellas possedan tut ils documents, tut las infurmaziuns e tut las instrucziuns ch'i dovra per decider, tgi che las duai represchentar ils proxims quatter onns en il Cussegl naziunal.

L'elecziun dal Cussegl naziunal

Las elecziuns han lieu en mintga chantun ils 20 d’october 2019. Numerusas persunas gidan a dumbrar las vuschs en las vischnancas. Ils resultats vegnan alura transmess als chantuns. Quels resumeschan ils resultats, als publitgeschan e communitgeschan a la Chanzlia federala.
Il Cussegl federal deliberescha silsuenter in rapport davart las elecziuns dal Cussegl naziunal – per mauns dal Cussegl naziunal. Il Cussegl naziunal nov elegì prenda enconuschientscha da quest rapport en sia emprima sesida.