directamain tar il cuntegn

Incumpatibilitads cun in mandat parlamentar

As infurmai davart las incumpatibilitads che pudessan cumparair tar in’elecziun avant che Vus inoltrais Vossa candidatura. En tscherts cas na permettan la Constituziun federala e la legislaziun numnadamain betg d’occupar dus uffizis publics a medem temp. Questas incumpatibilitads valan natiralmain er per las Svizras ed ils Svizzers a l’exteriur.

Las incumpatibilitads èn fixadas en la Lescha federala davart l’Assamblea federala d’ina moda e maniera che permetta d’evitar conflicts d’interess.
Las suandantas persunas na pon betg far part dal parlament (pia ni dal Cussegl naziunal, ni dal Cussegl dals chantuns):
 
• las persunas che l’Assamblea federala ha elegì u confermà
• las commembras ed ils commembers da la direcziun da l’armada
• il persunal da l’administraziun federala
• il persunal dals Servetschs dal parlament
• il persunal dals tribunals da la Confederaziun
• il persunal dal secretariat da l’Autoritad da surveglianza da la Procura publica federala
• il persunal da la Procura publica federala
• las commembras ed ils commembers da las cumissiuns extraparlamentaras cun cumpetenzas da decider
• las derschadras ed ils derschaders dals tribunals da la Confederaziun che n’èn betg vegnids elegids da l’Assamblea federala
Ina glista da las incumpatibilitads chattais Vus: en la Constituziun federala
en la Lescha federala davart l’Assamblea federala (Artitgel 14 Incumpatibilitads e Artitgel 15 Proceder)
Incumpatibilitads cun la commembranza en las Chombras federalas: princips d’interpretaziun

Autras incumpatibilitads

Ils chantuns pon fixar ulteriuras incumpatibilitads cun la commembranza en las Chombras federalas. Qua vesais Vus, en tge cas:

Candidatura per il Cussegl naziunal: premissas e reglas