directamain tar il cuntegn

Candidatura per il Cussegl naziunal en ils chantuns Sursilvania e Sutsilvania

Tuts dus chantuns han mo in sez en il Cussegl naziunal. L'elecziun ha lieu tenor la procedura electorala da maiorz. Co procedan ins per candidar en quests chantuns?

La proposta electorala

Per pudair sa participar a las elecziuns dal Cussegl naziunal en in da quests dus chantuns, stuais Vus ademplir primo las premissas d'elegibladad. Secundo stuais Vus inoltrar ina proposta electorala a la Chanzlia chantunala.

Sursilvania: premissas e termins per inoltrar la proposta electorala

  • Otg emnas avant il di d'elecziun supplitgescha la regenza chantunala las burgaisas ed ils burgais en il Fegl uffizial d'inoltrar propostas electoralas.
  • Mintga proposta electorala sto esser suttascritta d'almain tschintg persunas cun dretg da votar che abitan en il chantun.
  • Mintga candidata e mintga candidat sto confermar en scrit ch'ella u el sa participeschia a las elecziuns. Sche questa conferma manca, vegn stizzà il num da la candidata u dal candidat or da la proposta electorala.
  • Las propostas electoralas per il sez dal chantun Sursilvania en il Cussegl naziunal ston vegnir inoltradas a la Chanzlia chantunala fin il pli tard 48 dis (7. glindesdi) avant l'elecziun a las 12.00.
  • Sch'i vegn inoltrada mo ina proposta electorala entaifer il termin fixà, declera la Regenza la persuna proponida sco elegida.

Sutsilvania: premissas e termins per inoltrar la proposta electorala

  • Las propostas electoralas per il sez dal chantun Sutsilvania en il Cussegl naziunal ston esser inoltradas al biro da votaziun chantunal fin il pli tard 48 dis (7. glindesdi) avant l'elecziun a las 12.00.
  • Sch'i vegn inoltrada mo ina proposta electorala entaifer il termin fixà, declera la Regenza la persuna proponida sco elegida (elecziun taciturna).

Ulteriuras infurmaziuns davart las candidaturas chattais Vus en la Lescha federala davart ils dretgs politics