Las autoritads svizras online

directamain tar il cuntegn

Dimora a l'exteriur

Planisais Vus in viadi da vacanzas, in segiurn per emprender ina lingua estra u in praticum professiunal? Per la preparaziun pudais Vus profitar da las infurmaziuns qua sutvart. Ellas èn structuradas tenor l’intenziun da Voss segiurn.

Segiurn per emprender ina lingua estra e studi a l'ester

Vulessas Vus viver in tschert temp a l'exteriur per emprender ina lingua u per absolver là ina part da Voss studi? Il Departament federal d'affars exteriurs (DFAE) As mussa, co che Vus chattais ina scola da lingua. Legiai er il mussavia dal DFAE; el As mussa a tge che Vus avais da pensar. 

Segiurn per emprender ina lingua estra

Mussavia «Segiurn per emprender ina lingua estra/studi a l'ester»

Finanziaziun

La concessiun d'in stipendi u d'autras contribuziuns da scolaziun è chaussa dals chantuns. La glista dals posts cumpetents chattais Vus sin la pagina dad «Educa». Vus savais segiramain che Vus pudais dumandar agid finanzial er da fundaziuns privatas u da fonds privats. 

Adressas dals posts chantunals da stipendis

Au-pair

Vulessas Vus lavurar a l'exteriur sco au-pair? Il mussavia dal DFAE As gida da chattar ina plazza e cuntegna infurmaziuns utilas p.ex. davart il contract da lavur u davart il salari.

Mussavia «au-pair»

Praticums professiunals/stages

La Svizra ha concludì cun differents stadis cunvegnas da stagiarias e stagiaris. Lavurantas giuvnas e lavurants giuvens pon schlargiar lur enconuschientschas professiunalas e linguisticas cun far in stage a l’ester.

EDA: Stagiaireprogramme

Dimora a l'exteriur da durada limitada – infurmaziuns generalas dal DFAE

Vus partis per in tschert temp a l’exteriur? Il mussavia «Auslandaufenthalt» dal DFAE As infurmescha davart las disposiziuns che vus duessas resguardar sco burgaisa svizra u burgais svizzer.

Viadi a l'exteriur