directamain tar il cuntegn

Votar ed eleger per l’emprima giada

Vus dastgais votar u eleger per l'emprima giada, ma na savais betg co che quai funcziuna. Qua chattais Vus respostas a Vossas dumondas.

Vus avais gist gì 18 onns ed essas ussa pia maiorenna u maioren u Vus avais gist survegnì il passaport svizzer. Lura dastgais Vus votar ed eleger per l'emprima giada.

Questa limita da vegliadetgna vala er per elecziuns e votaziuns chantunalas. La suletta excepziun: En il chantun Glaruna pon giuvenils da 16 e da 17 onns votar ed eleger sin plaun chantunal e communal, dentant na dastgan els betg vegnir elegids.

Tgi ha il dretg da votar?

Svizras e Svizzers a l’exteriur ston sa registrar

Sco Svizra u Svizzer a l’exteriur As stuais Vus annunziar tar Vossa represchentanza svizra ed As laschar inscriver en il register electoral da Vossa ultima vischnanca da domicil ubain – sche Vus n’avais mai abità en Svizra – da Vossa vischnanca burgaisa per pudair As participar a las elecziuns ed a las votaziuns federalas.

Persunas cun dretg da votar che vivan en Svizra na ston percunter sa laschar registrar nagliur per sa participar a las votaziuns federalas. Ellas vegnan inscrittas automaticamain en il register electoral da lur vischnanca da domicil, uschespert ch’ellas adempleschan las premissas dal dretg da votar.

Material da votar
Nua e cura votar ed eleger?
Co vegn il cedel da votar emplenì en moda correcta?